اتوار کو کرکٹ ورلڈ کپ کے فائنل میں ہندوستان کی آسٹریلیا سے شکست کے بعد وزیر اعظم نریندر مودی نے اپنے ایکس پوسٹ پر ہندوستانی کرکٹ ٹیم کے کھیل کو سراہتے ہوئے کہا کہ آپ نے جس عزم اور حوصلے کے ساتھ کھیلا وہ قابل ذکر ہے۔ ہم آج بھی آپ کے ساتھ کھڑے ہیں اور مستقبل میں بھی۔ مودی نے آسٹریلیا کو جیت کیلئے مبارکباد بھی پیش کی۔

وزیر اعظم نریندر مودی نے ہندوستان کے فائنل میں شکست کے بعد کرکٹ ٹیم کو ورلڈکپ کے دوران  ان کے عزم اور صلاحیتوں کیلئے سراہا ہے۔مودی نے اپنے ایکس اکاؤنٹ پر لکھا ہے کہ ہم آج بھی آپ کے ساتھ کھڑے ہیں اور مستقبل میں بھی آپ کے ساتھ کھڑے رہیں گے۔ مودی نے ٹیم انڈیا کو سراہتے ہوئے کہا ہے کہ ٹیم انڈیا،ورلڈکپ کے دوران آپ کا عزم اور صلاحتیں قابل ذکر تھیں۔ آپ نے بہترین طریقے سے کھیلا ہے اور ملک کو فخر کرنے کا موقع دیا ہے۔

Dear Team India,

Your talent and determination through the World Cup was noteworthy. You`ve played with great spirit and brought immense pride to the nation.

We stand with you today and always.

— Narendra Modi (@narendramodi) November 19, 2023

خیال رہے کہ اتوار کو آسٹریلیا اور ہندوستان کے دوران فائنل میں ہندوستان کوشکست کا سامنا کرنا پڑا ہے۔ امسال کرکٹ ورلڈکپ کی میزبانی ہندوستان نے کی تھی ۔ احمد آباد کے نریندر مودی اسٹیڈیم میں وزیر اعظم نریندر مودی بھی ورلڈکپ کےفائنل میچ میں موجود تھے۔ انہوں نے آسٹریلیا ٹیم کو ورلڈکپ جیتنے پر مبارکباد پیش کرتے ہوئے کہا کہ آسٹریلیا ٹیم کو ورلڈکپ کی اہم کامیابی کیلئے مبارکباد۔ ٹورنامنٹ میں آپ کا پرفارمنس کافی شاندار رہا جس کا اختتام شاندار کامیابی کے ساتھ ہوا ہے۔ٹریوس ہیڈکوآج ان کے یادگار کھیل کیلئے مبارکباد۔
خیال رہے کہ آسٹریلیا نے ۴۳؍ اوورز میں ۲۴۱؍ رن کے ساتھ کامیابی حاصل کی ہے۔