۴ء۱؍بلین ڈالرس سے زیادہ کا معاہدہ۔پراڈا توسیع کے خواہاں ہے اور اسے لگژری ڈیمانڈ میں کمی نظر نہیں آتی۔ دریں اثنا،ورساچی خسارے میں کام کر رہا ہے۔

پراڈا، اٹلی کے مشہور لگژری فیشن ہاؤس نے ایک اور اطالوی لگژری فیشن کمپنی ورساچی  کو۳۷۵ء۱؍ بلین ڈالرس میں خرید لیا ہے اور منگل کو اس کا حاصل کرنے کا معاہدہ بھی مکمل ہویا ہے۔ ورساچی کی بنیادی کمپنی کیپری ہولڈنگز  ہے۔ اس معاہدے میں ورساچی کے قرض کی خریداری بھی شامل ہے۔ اس اقدام نے اب دو بڑے اطالوی فیشن ہاؤسیز کو ضم کر دیا ہے۔
 پراڈا کی بنیاد ۱۹۱۳ء میں ماریو پراڈا نے رکھی تھی، جبکہ ورساچی کی بنیاد ۱۹۷۸ء میں گیانی ورساچی نے رکھی تھی۔۲۰۱۸ء میں  کو مائیکل کورس گروپ کو۱۵ء۲؍ بلین ڈالرس میں فروخت کیا گیا۔ مائیکل کورس بعد میں کیپری ہولڈنگز بن گئے۔ کمپنی نےورساچی کوورساچی  خاندان اوربلیک اسٹون  سے حاصل کیا۔

یہ بھی پڑھئے:ہاردک پانڈیا جنوبی افریقہ کے خلاف ٹی۲۰؍ سیریز میں واپسی کے لیے تیار

روئٹرس نے رپورٹ کیا ہے کہ پراڈا کو وسعت دینے کی کوشش کر رہی ہے اور اسے لگژری ڈیمانڈ میں کمی کا اندازہ نہیں ہے۔ دریں اثنا، ورساچی خسارے میں کام کر رہا ہے۔ ۱۳؍مارچ کو، یہ اعلان کیا گیا کہ گیانی ورساچی کی بہن دونیتلا  ورساچی کمپنی کے چیف کریٹیو آفیسر کے عہدے سے سبکدوش ہو رہی ہیں۔روئٹرس کے مطابق، پراڈا کے چیئرمین پیٹریزیو برٹیلی نے کہا کہ ’’ہمارا مقصد ورساچی کی میراث کو جاری رکھنا ہے۔ ہم اسے ایک مضبوط پلیٹ فارم فراہم کریں گے، جو برسوں کی جاری سرمایہ کاری اور طویل مدتی تعلقات سے مضبوط ہو گا۔ ‘‘

یہ بھی پڑھئے:اسٹار ٹیلی ویژن پروڈکشنز نے جیواسٹار کے ساتھ انضمام مکمل کیا

 برٹیلی پراڈا کے ڈیزائنر میوکیا پراڈا کے شوہر ہیں۔ یہ جوڑا کمپنی میں سرکردہ شیئر ہولڈر ہے۔خبر رساں ادارے روئٹرس کے مطابق پراڈا کے سی ای او آندریا گویرا نے کہا کہ ’’ورساچی میں بہت زیادہ صلاحیت موجود ہے۔ یہ سفر طویل ہوگا اور اس کے لیے نظم و ضبط اور صبر کی ضرورت ہوگی۔‘‘  یہ اقدام ایک ایسے وقت میں سامنے آیا ہے جب ایکویٹیز میں عالمی سطح پر فروخت ہونے اور امریکی صدر ڈونالڈ ٹرمپ کی جانب سے   نئے محصولات کے نفاذ کے بعد کساد بازاری کے خدشے کی وجہ سے متعدد حصول اور آئی پی اوز کو روک دیا گیا ہے۔