راج ٹھاکرے نے طلبہ مظاہرے کے دوران پولیس وین کے سامنے کھڑی ہونے والی ریا اہیر کی پذیرائی کی،۲۷؍ سالہ ماڈل اور کاروباری خاتون ریا اہیر پولیس گاڑی کے سامنے بے خوفی سے کھڑی ہونے کی وجہ سے وائرل ہوئی تھیں۔

۲۷؍سالہ ماڈل اور کاروباری خاتون ریا اہیر، جو حال ہی میں دادر کے شیواجی پارک کے قریب طلبہ مظاہرے کے دوران ایک پولیس گاڑی کے سامنے بے خوفی سے کھڑی ہونے کی وجہ سے وائرل ہوئی تھیں، انہیں مہاراشٹر نونرمان سینا (ایم این ایس) کے لیڈروں اور کارکنوں کی جانب سے ان کی بہادری پر اعزاز سے نوازا گیا ہے۔سوشل میڈیا پر گردش کرنے والی ایک ویڈیو میں، ریا کو ایم این ایس عہدیداروں کی جانب سے۲۲؍ جولائی کے احتجاج کے دوران ان کی ہمت کا اعتراف کرتے ہوئے روایتی شال اور گلدستہ وصول کرتے ہوئے دیکھا جا سکتا ہے۔ان کا پولیس وین کے سامنے ڈٹ کر کھڑا رہنا، حالیہ ممبئی مظاہروں کی سب سے زیادہ شیئر کی جانے والی تصاویر میں سے ایک بن گیا، جس نے انہیں سوشل پلیٹ فارم پر راتوں رات مشہور کر دیا۔

یہ بھی پڑھئے: پولیس افسران سچن وازے، پردیپ شرما اور دیگر ۸؍ افراد پر فرد جرم عائد

واضح رہے کہ طلبہ کے احتجاج کے دوران پولیس نے کارروائی کرتے ہوئے متعدد طلبہ کو پولیس وین میں لے جایا جا رہا تھا، اس کی مخالفت کرتے ہوئے ریا اس گاڑی کے سامنے کھڑی ہوگئیں، اور مظاہرین کو لے جانے کے خلاف احتجاج کیا، اس احتجاج کے نتیجے میں پولیس کو مجبوراً تمام مظاہرین کو چھوڑنا پڑا۔ ریاکی اسی ہمت کا اعتراف کرتے ہوئے راج ٹھاکرے نے انہیں اعزاز سے نوازا۔