راجستھان کے ضلع چتوڑگڑھ میں فرقہ وارانہ تشدد کے نتیجے میں ۱۲؍ افراد زخمی ہوئے ہیں۔ پولیس نے عبادت گاہ کے سامنے پتھر پھینکنے کے جرم میں ۱۸؍ افراد کو حراست میں لیا ہے۔ زخمیوں میں سے ایک شخص کی ہارٹ اٹیک کی وجہ سے موت ہوگئی جبکہ دیگرکو علاج کیلئے اسپتال منتقل کیا گیا ہے۔

منگل کی رات راجستھان کے ضلع چتوڑ گڑھ کے پہوناگاؤں میں فرقہ وارانہ تشدد کے نتیجے میں ۱۲؍ افراد زخمی ہوئے تھے۔ پولیس نے عبادت گاہ کے سامنے پتھر پھینکے کے جرم میں  ۱۸؍ افراد کو حراست میں لیا ہے۔ اطلاعات کے مطابق یہ واقعہ اس وقت درپیش آیا تھا جب لوگوں نے ریلی کی آواز کی وجہ سے ہونے والے شور پر اعتراض کیا تھا جو دراصل ڈرم کا شور تھا۔ اختلاف کے بعد دونوں گروہوں نے ایک دوسرے پر پتھر پھینکے جس کے سبب کئی افراد زخمی ہوئے۔

Chittorgarh, Rajasthan

Dispute over noise being created by a procession while prayers were underway inside the mosque resulted in altercation and stone pelting. Reports suggest the resulting communal violence left 1 dead and 12 injured.pic.twitter.com/TaAIiUamXB

— Md Asif Khan‏‎‎‎‎‎‎ (@imMAK02) March 22, 2024

ضلعی کلکٹرالوک رنجن نے بتایا کہ زخمی افراد کو فوری طبی امداد فراہم کی گئی لیکن ان میں سے ایک شخص کو ہارٹ اٹیک ہوا تھا۔ اسے فوری طور پر اسپتال داخل کرنے کی کوشش کی گئی جس کے دوران اس کی موت ہو گئی تھی۔ مہلوک کی شناخت شیام لال چھپا کے طور پر کی گئی ہے۔ زخمیوں میں سے ۲؍ افرادعلاج کیلئے بھلوارہ منتقل کیا گیا ہے۔ علاقے میں پولیس فورس اور آر اے سی کے افسران تعینات تھے۔بدھ کو گاؤں کی صورتحال پہلے سے بہتر تھی۔ پولیس نےاس تشدد میں ملوث مزید بدمعاشوں کوحراست میں لینے کیلئے مختلف مقامات پر چھاپے مارے تھے۔ خیال رہے کہ یہ مذہبی ریلی پہانا کی روایتی ریلی ہے جو ہر سال منعقد کی جاتی ہے۔ یہ گاؤں رشمی پولیس اسٹیشن کے دائرہ نگرانی میں آتا ہے۔