نتیش تیواری کی دو حصوں پر مشتمل بڑی فلم ’’رامائن‘‘ میں رنبیر کپورکا بھگوان رام کی شکل میں پہلا لُک آخرکار سامنے آ گیا ہے۔ دو منٹ سے زیادہ طویل اس ٹیزر میں رام کو پہلے ایودھیا کے ایک قابل شہزادے کے طور پر اور بعد میں جلاوطنی کے دنوں میں دکھایا گیا ہے۔

کئی دنوں سے جاری خبروں کے بعد، فلمسازوں نے ایک شاندارٹیزر لانچ ایونٹ میں رنبیرکپور کا رام کی شکل میں پہلا لُک جاری کیا۔ یہ ٹیزر بصری طور پر نہایت شاندار ہے اور ۲؍ اپریل کو ہنومان جینتی کے موقع پر ریلیز کیا گیا۔
یہ ٹیزر لانچ ایونٹ جمعرات کوہندوستان کے مختلف شہروں میں منعقد ہوا، جس کے ساتھ ہی اس فلم کی تشہیر کا آغاز ہو گیا، جسے ممکنہ طور پر ہندوستان کی اب تک کی سب سے بڑی فلم کہا جا رہا ہے۔
رامائن میں رام کا پہلا لُک
یہ دلکش ٹیزر رامائن کی دنیا کی ایک جھلک پیش کرتا ہے اور رام کے سفر کو اجاگر کرتا ہے۔ایودھیا کی بادشاہت کے وارث کے طور پر اور بعد میں جلاوطنی کے دور میں۔ ٹیزر کا مرکزرنبیر کپور ہیں، تاہم اس میں سیتا(سائی پلوی)  اور لکشمن(روی دوبے) کی مختصر جھلک بھی دکھائی گئی ہے۔

فلم کے بارے میں مزید
فلم میں سنی دیول ہنومان اور یش راون کے کردار میں نظر آئیں گے، جبکہ یش فلم کے شریک پروڈیوسر بھی ہیں۔ اس فلم کودی لارڈ آف دی رنگز اور اوتار کے مقابلے میں ہندوستان کا جواب قرار دیا جا رہا ہے، اور اطلاعات کے مطابق اس کا بجٹ تقریباً ۴۰۰۰؍ کروڑ روپے ہے۔ گزشتہ کئی مہینوں سے اس فلم کے حوالے سے زبردست دلچسپی پائی جا رہی تھی، خاص طور پر پچھلے سال پہلے لُک کے اجرا کے بعد، اگرچہ اس وقت کسی کردار کی مکمل جھلک سامنے نہیں آئی تھی۔ سیٹ سے کچھ تصاویر آن لائن لیک بھی ہوئیں، مگر سازندوں نے اس پر کوئی تبصرہ نہیں کیا۔

یہ بھی پڑھئے:اجے دیوگن نے ایکشن فلموں کے علاوہ کامیڈی میں بھی نام کمایا

فلم کی موسیقی اے آر رحمان اور ہینس زیمر نے ترتیب دی ہے، جو اس فلم کے ذریعے بالی ووڈ میں اپنا آغاز کر رہے ہیں۔ٹیزر گزشتہ ہفتے لاس اینجلس میں ایک منتخب ناظرین کے لیے پیش کیا گیا، جہاں پروڈیوسرنمیت ملہوترا،، ہدایتکارنتیش تیواری  اور اداکاررنبیر کپور موجود تھے۔ہدایتکار نتیش کمار نے کہا کہ ’’رامائن کی عظمت اس کے جذباتی گہرائی میں ہے۔ یہ صرف خیر و شر کی کہانی نہیں بلکہ انتخاب، نتائج اور صحیح کام کرنے کے بوجھ کے بارے میں ہے۔ رام کا سفر نہایت انسانی ہے، اور ہم نے اسی حقیقت کو برقرار رکھنے کی کوشش کی ہے۔‘‘

یہ بھی پڑھئے:ٹرمپ کے دعوے پر ایران کی تردید، ہم نے کوئی تجویز پیش نہیں کی

رنبیر کپور نے کہا کہ انہوں نے اپنے کردار سے بہت کچھ سیکھا ۔میں یہاں رام کی نمائندگی کرنے نہیں آیا، بلکہ ان سے سیکھنے آیا ہوں۔ ان میں ایک سادگی اور پاکیزگی ہے جو بہت کم دیکھنے کو ملتی ہے، اور اسے سمجھنا اور اپنانا میرے لیے ایک نہایت عاجزانہ تجربہ رہا ہے۔