رشمیکا مندانا اور وجے دیوراکونڈا آج اُدے پور میں قریبی دوستوں اور اہلِ خانہ کی موجودگی میں رشتۂ ازدواج میں منسلک ہو گئے۔ شادی کی تقریب کے بارے میں مزید جاننے کے لیے پڑھیں۔

رشمیکا مندانا اور وجے دیوراکونڈا کی شادی اس سال کے نمایاں اور ہائی پروفائل ایونٹس میں سے ایک سمجھی جا رہی ہے۔ بالآخر فلم ’’گیتا گوندم‘‘کے ستارے اُدے پور میں شادی کے بندھن میں بندھ گئے ہیں۔ تاہم ان کے اس  اہم دن کی خاص بات یہ ہے کہ ایک نہیں بلکہ دو شادی کی تقریبات منعقد ہوں گی۔ آئیے جانتے ہیں کہ دوسری روایتی تقریب کب ہوگی۔
کیا رشمیکا اور وجے کی دوسری شادی کی تقریب اُدے پور میں ہوگی؟
رشمیکا مندانا اور وجے دیوراکونڈا باضابطہ طور پر شادی شدہ ہیں  کیونکہ اطلاعات کے مطابق جوڑے نے آندھرا کی روایات کے مطابق شادی کی رسومات ادا کیں۔ رپورٹس کے مطابق، شام۴؍ بجے رشمیکا کی روایت کے احترام میں ’’کوڈاوا‘‘ رسم و رواج کے مطابق بھی شادی کی رسومات ادا کی جائیں گی۔

Finally #VijayDeverakonda got married to #RashmikaMandanna today morning at 10:10 AM. Wishing the lovely couple all the best.❤️💐 pic.twitter.com/qrAAAn2CjI

— Sreedhar Pillai (@sri50) February 26, 2026

 جو لوگ واقف نہیں، ان کے لیے بتاتے چلیں کہ شادی کی تقریب اُدے پور میں منعقد ہو رہی ہے، جب کہ شادی سے قبل کی تقریبات پُرتعیش ہوٹل آئی ٹی سی میمنٹوس ایکایا ادئے میں ہوئیں۔ اطلاعات کے مطابق اس نجی تقریب میں تقریباً ۱۰۰؍ مہمانوں نے شرکت کی، جن میں قریبی اہلِ خانہ، دوست اور تیلگو فلم انڈسٹری کے چند اراکین شامل تھے۔ شادی سے قبل کی تقریبات میں کرکٹ اور والی بال میچز، جاپانی تھیم ڈنر اور دیگر دلچسپ سرگرمیاں شامل تھیں۔

یہ بھی پڑھئے:کیرالا ہائی کورٹ کو فرقہ وارانہ خدشات ، ’’دی کیرالا اسٹوری ۲‘‘ کی ریلیز روکی گئی

 کوڈاوا روایت کیا ہے جس کے تحت رشمیکا اور وجے دوسری بار شادی کریں گے؟
اس جوڑے کی ثقافت دو روایات کا حسین امتزاج ہے۔ صبح کی شادی آندھرا کی روایات کے مطابق وجے کے خاندان کی جانب سے ہوئی  جبکہ رشمیکا کا تعلق کورگ کی کوڈاوا برادری سے ہے، جس کی اپنی منفرد شادی کی روایات ہیں۔کوڈاوا شادی کی روایت ضلع کوڈاگو (جسے کورگ بھی کہا جاتا ہے) کی کوڈاوا برادری سے تعلق رکھتی ہے۔ شادی کے دن کا آغاز ایک خصوصی غسل کی رسم سے ہوتا ہے، جس میں بزرگ دلہا اور دلہن کو ہلدی، تیل اور مقدس پانی لگاتے ہیں۔ اس کے ساتھ روایتی گیت گائے جاتے ہیں جو جوڑے کو شادی شدہ زندگی کے لیے روحانی طور پر تیار کرتے ہیں۔ اس کے بعد ہاروں کا تبادلہ اور منگلیا (مقدس دھاگہ) باندھنے کی رسم ادا کی جاتی ہے۔

یہ بھی پڑھئے:امدادی تنظیموں کی اسرائیلی عدالت سے فلسطین میں کام پر پابندی ختم کرنے کی اپیل

کوڈاوا برادری میں شادی کو شراکت داری اور باہمی اشتراک کی علامت سمجھا جاتا ہے۔’’ارووا‘‘ نامی رسم میں اُن جائیدادوں کی فہرست پیش کی جاتی ہے جن پر دلہن کو حق دیا جاتا ہے۔ اگرچہ یہ بڑی قانونی کارروائی نہیں ہوتی، مگر اس کا مقصد یہ ظاہر کرنا ہوتا ہے کہ دلہن کو ہر چیز پر برابر کا حق حاصل ہے۔