اشیائے خوردونوش کی قیمتوں میں سال بہ سال تیزی سے کمی اور اشیا اور خدمات ٹیکس (جی ایس ٹی) کی شرحوں میں کمی کے بازار کے اثرات کے درمیان اکتوبر میں کنزیومر پرائس انڈیکس (سی پی آئی) افراط زر مزید کم ہو کر۲۵ء۰؍ فیصد رہ گیا۔

اشیائے خوردونوش کی قیمتوں میں سال بہ سال تیزی سے کمی اور اشیا اور خدمات ٹیکس (جی ایس ٹی) کی شرحوں میں کمی کے بازار کے اثرات کے درمیان اکتوبر میں کنزیومر پرائس انڈیکس (سی پی آئی) افراط زر مزید کم ہو کر۲۵ء۰؍ فیصد رہ گیا۔ 
بدھ کو وزارت شماریات اور پروگرام کے نفاذ کی طرف سے جاری کردہ اکتوبر کے سی پی آئی کے اعداد و شمار کے مطابق یہ۱۲۔۲۰۱۱ء کی قیمتوں کی بنیاد پر سی پی آئی سیریز میں خردہ افراط زر کی کم ترین سطح ہے۔  خوراک کے زمرے میں خردہ افراط زر اکتوبر میں منفی ۰۲ء۵؍ فیصد تک گر گیا۔ ایک سرکاری پریس ریلیز میں کہا گیا ہے کہ اشیا اور خدمات ٹیکس میں کمی کا اثر اکتوبر میں تمام شعبوں میں خردہ قیمتوں پر ظاہر ہوا۔ جی ایس ٹی کی شرحوں میں کمی کا فیصلہ ۲۲؍ ستمبر سے نافذ العمل ہوا۔ 
اکتوبر میں دیہی علاقوں میں خوردہ مہنگائی منفی۲۵ء۰؍  فیصد سے نیچے رہی جبکہ شہری علاقوں میں خوردہ قیمتیں سال بہ سال۸۸ء۰؍ فیصد بڑھ گئیں۔  ستمبر میں خردہ مہنگائی۴۴ء۱؍ فیصد رہی، دیہی اور شہری افراط زر بالترتیب۰۷ء۱؍ فیصد اور۸۳ء۱؍ فیصد رہی۔ گزشتہ سال اکتوبر میں خردہ افراط زر کی شرح۲۱ء۶؍ فیصد تھی۔  اکتوبر ۲۰۲۵ء کے دوران خردہ افراط زر اور غذائی افراط زر میں کمی بنیادی طور پر جی ایس ٹی میں کمی، سازگار بنیادی اثرات اور تیل اور چکنائی، سبزیوں، پھلوں، انڈے، جوتے، اناج اور مصنوعات  اور ٹرانسپورٹ اور مواصلات میں افراط زر میں کمی کے پورے مہینے کے اثرات کی وجہ سے ہے۔ 

یہ بھی پڑھئے:آلودگی سے متعلق ہیلتھ انشورنس کے کلیم میں تیزی سے اضافہ

اکتوبر میں سبزیوں کی خردہ قیمتیں سال بہ سال ۵۷ء۲۷؍ فیصد کم ہوئیں جبکہ دالوں اور ان کی مصنوعات کی قیمتوں میں ۱۵ء۱۶؍فیصد اور مسالوں کی قیمتیں اوسطاً ۲۹ء۳؍فیصد کم ہوئیں۔  اس کے برعکس خوردنی تیل کی اوسط خردہ قیمتوں میں۱۷ء۱۱؍ فیصد جبکہ پھلوں کی قیمتوں میں ۶۹ء۶؍فیصد اضافہ ہوا۔  اس عرصے کے دوران ذاتی نگہداشت اور صحت کی دیکھ بھال کی مصنوعات کی خوردہ افراط زر بالترتیب۸۸ء۲۳؍  فیصد اور۸۶ء۳؍فیصد ریکارڈ کی گئی۔