سیف علی خان اور کیارا اڈوانی پہلی بار ایک ساتھ اسکرین شیئر کرنے جا رہے ہیں، دونوں اداکار کنیکا ڈھلون کی ہدایتکاری میں بننے والی ایک سنسنی خیز سپرنیچرل تھرلر میں نظر آئیں گے، فلم کو فرحان اختر کی پروڈکشن کمپنی ایکسل انٹرٹینمنٹ پروڈیوس کرے گی، اس پروجیکٹ میں سیف علی خان اور فرحان اختر ۲۵؍ سال بعد دوبارہ ایک ساتھ کام کریں گے۔ فلم کی اسکرپٹ فی الحال تیار کی جا رہی ہے اور میکرز رواں سال کے آخر میں پروڈکشن شروع کرنے کا ارادہ رکھتے ہیں۔

سیف علی خان اور کیارا اڈوانی پہلی بار ایک ساتھ اسکرین پر نظر آنے والے ہیں۔ یہ فلم رائٹر کنیکا ڈھلون کی ہدایتکاری میں پہلی فلم ہوگی، جسے فرحان اختر کی پروڈکشن کمپنی ایکسل انٹرٹینمنٹ کے بینر تلے پیش کرے گی۔ اس پروجیکٹ کی اسکرپٹ فی الحال تیار کی جا رہی ہے اور ٹیم کا ارادہ ہے کہ رواں سال کے آخر میں فلم کی شوٹنگ شروع کی جائے۔ پروجیکٹ سے وابستہ ایک ذریعے نے پنک ولا کو بتایا، ’’سیف اور کیارا کنیکا کی اگلی فلم میں ایک ساتھ نظر آئیں گے۔ یہ ایک سنجیدہ اور پراثر تھرلر ہے، جس میں مافوق الفطرت عناصر بھی شامل ہیں۔ اسکرپٹ دونوں اداکاروں کو ذہن میں رکھتے ہوئے تیار کی جا رہی ہے۔ کنیکا، ایکسل انٹرٹینمنٹ اور رائٹنگ ٹیم کافی عرصے سے اس کہانی پر کام کر رہی ہے اور اب میکرز اسے آگے بڑھانے کی تیاری میں ہیں۔‘‘

یہ بھی پڑھئے: ارونا ایرانی نے معاون اور منفی کرداروں سے نام کمایا

ابھی تک بغیر عنوان والی اس فلم میں مافوق الفطرت عناصر کے ساتھ ایک سنجیدہ تھرلر کہانی پیش کئے جانے کی توقع ہے، تاہم میکرز نے فی الحال پلاٹ کو راز رکھا ہوا ہے۔ سیف علی خان اور کیارا اڈوانی کی کاسٹنگ ایک دلچسپ جوڑی ثابت ہوسکتی ہے، کیونکہ دونوں اداکار ایک ایسی صنف میں نظر آئیں گے جو انہیں اسکرین پر ایک مختلف انداز میں پیش کرنے کا موقع دے سکتی ہے۔

فرحان اختر اور سیف علی خان ۲۵؍ سال بعد دوبارہ ایک ساتھ

اس پروجیکٹ میں سیف علی خان اور فرحان اختر ۲۵؍ سال بعد دوبارہ ایک ساتھ کام کریں گے۔ دونوں نے اس سے قبل فلم ’’دل چاہتا ہے‘‘ میں کام کیا تھا، تاہم اس بار ان کی شراکت صرف اداکاری تک محدود نہیں ہوگی، بلکہ فرحان اختر ایکسل انٹرٹینمنٹ کے ذریعے فلم کے پروڈیوسر بھی ہوں گے۔ کنیکا ڈھلون کیلئے یہ فلم اسکرین رائٹر سے ہدایتکار بننے کی جانب ایک اہم قدم ہے۔ وہ ’’من مرزیاں‘‘، ’’کیدارناتھ‘‘، ’’ججمنٹل ہے کیا‘‘، ’’حسین دلربا‘‘، ’’رشمی راکٹ‘‘، ’’رَکشا بندھن‘‘ اور ’’ڈنکی‘‘ سمیت کئی ہندی فلموں کی کہانیاں اور اسکرپٹ لکھ چکی ہیں۔ انہوں نے اپنے پروڈکشن بینر ’’کتھا پکچرز‘‘ کے ذریعے پروڈکشن کے میدان میں بھی قدم رکھا اور فلم ’’دو پتی‘‘ کی پروڈیوسر بھی رہیں، جس کی کہانی انہوں نے خود لکھی تھی۔

یہ بھی پڑھئے: میں حکمت عملی بناتا ہوں لیکن اپنے فائدے کے لیے کسی کو نقصان نہیں پہنچاتا: منور فاروقی

کنیکا ڈھلون نے خاص طور پر تھرلر صنف میں فلم ’’حسین دلربا‘‘ اور اس کے سیکوئل ’’پھر آئی حسین دلربا‘‘ کے ذریعے اپنی شناخت بنائی ہے۔ ایسے میں مافوق الفطرت عناصر پر مبنی کہانی کے ساتھ ان کا ہدایتکاری میں قدم رکھنا ایک دلچسپ مرحلہ قرار دیا جا رہا ہے۔ فلم کا اسکرین پلے فی الحال تیار کیا جا رہا ہے اور آئندہ چند ماہ میں اس کی حتمی تفصیلات طے کئے جانے کی توقع ہے۔ میکرز رواں سال کے آخر میں فلم کا پروڈکشن شروع کرنے کا ارادہ رکھتے ہیں۔