حج سیزن ۲۰۲۶ء کے آغاز کے ساتھ ہی سعودی سیکوریٹی فورسز نے غیر قانونی عازمین حج کے خلاف کریک ڈاؤن تیز کر دیا ہے تاکہ حج انتظامات کو محفوظ اور منظم رکھا جا سکے۔ مختلف کارروائیوں میں پاکستانی، افغانی اور انڈونیشی شہریوں سمیت متعدد افراد کو گرفتار کرکے ان کے خلاف قانونی کارروائی شروع کر دی گئی ہے۔

ہر سال کی طرح امسال بھی سیکوریٹی فورسیز نے غیر قانونی عازمین حج کے خلاف کریک ڈاؤن شروع کر دیا ہے۔ کریک ڈاؤن کا مقصد حج امور کو انتظامات کے مطابق محفوظ اور رواں رکھنے کیلئےان عازمین کو روکنا ہے جو بغیر اجازت یا غیر قانونی طور پر مکہ پہنچے ہیں یا اس کوشش میں ہیں۔ اس سے پہلے بھی سیکوریٹی فورسیز کی طرف سے یہ اعلان کیا گیا تھا کہ مبینہ غیر قانونی عازمین حج کو حراست میں بھی لیا جا سکتا ہے۔ حتیٰ کہ ان کیلئے سہولت کاری کرنے والوں یا مدد دینے والوں کو بھی حراست کا سامنا کرنا پڑ سکتا ہے۔ نیز ان کے خلاف قانونی کارروائی بھی کی جائے گی۔ 

یہ بھی پڑھئے: ہنگری: پیٹر میگیار نئے وزیر اعظم منتخب، وکٹر اوربان کے۱۶؍ سالہ اقتدار کا خاتمہ

سعودی خبر رساں ادارے`ایس پی اے‘ کے مطابق مکہ کی پولیس نے اس سلسلے میں ابتدائی کارروائیاں کرتے ہوئے ۱۸؍افغانی اور پاکستانی شہریوں کو حراست میں لیا ہے۔ ان زیر حراست لئے گئے افراد سے نسک کارڈز اور حاجیوں کی کلائی پر باندھے جانے والے ’رسٹ بینڈز‘ بھی قبضے میں لئے گئے ہیں۔ خبر رساں ادارے کے مطابق ایک انڈونیشیا کے شہری کو بھی گرفتار کیا گیا ہے۔ یہ شہری جعلی حج دستاویزات کی تیاری سوشل میڈیا کے ذریعے کرنے کے کام میں ملوث تھا۔ ایک اور کارروائی کر کے سعودی سیکوریٹی حکام نے۵؍ افغانیوں کو حراست میں لیا ہے۔ یہ بھی قواعد کی خلاف ورزی کرتے ہوئے مکہ میں داخل ہونے کی کوشش کر رہے تھے، ان کی یہ کوشش مکہ کے صحرائی حصے سے پیدل داخل ہونے کی تھی۔ جبکہ ان کے پاس ضروری حج دستاویزات موجود نہیں تھیں۔ 

یہ بھی پڑھئے: ’’سوویت عوام نے نازی ازم کی شکست میں بہتر کردار ادا کیا اور دنیا کو نجات دلائی‘‘

’ایس پی اے‘ کے مطابق جن افراد کو اب تک گرفتار کیا گی ہے ان کے خلاف مقدمات بنا کر انہیں پراسیکیوشن کے حوالے کر دیا گیا ہے۔ تاکہ قانونی و عدالتی کارروائی آگے بڑھ سکے۔ پبلک سیکوریٹی کے ڈی جی نے شہریوں پر زور دیا ہے کہ وہ حج قوانین کی مکمل پاسداری کو یقینی بنائیں۔ جس کسی بھی غیر قانونی عازم حج کے بارے میں انہیں اطلاع ملے حکام کو مکہ میں فون نمبر ۹۱۱؍ پر آگاہ کریں۔ جبکہ مدینہ اور مشرقی صوبے یا کسی بھی اور علاقے میں فون نمبر۹۹۹؍ پر مطلع فرمائیں۔ سعودی وزارت داخلہ نے حج قوانین کی خلاف ورزی کے مرتکب افراد کو دو ہزار ریال سے ایک لاکھ ریال تک جرمانے کی سزا کا اعلان کیا ہے۔ 

یہ بھی پڑھئے: ٹرمپ کا روس اور یوکرین کے درمیان تین روزہ جنگ بندی کا اعلان