پبلک سیکٹر کے سب سے بڑے قرض فراہم کرنے والے ادارے اسٹیٹ بینک آف انڈیا (ایس بی آئی) نے ہاؤسنگ اور ذاتی قرض لینے والے صارفین کو بڑی راحت دیتے ہوئے شرحِ سود میں ۲۵؍ بیسس پوائنٹس تخفیف کا اعلان کیا ہے۔

پبلک سیکٹر کے سب سے بڑے قرض فراہم کرنے والے ادارے اسٹیٹ بینک آف انڈیا (ایس بی آئی) نے ہاؤسنگ اور ذاتی قرض لینے والے صارفین کو بڑی راحت دیتے ہوئے شرحِ سود میں ۲۵؍ بیسس پوائنٹس  تخفیف کا اعلان کیا ہے۔ شرح میں یہ تخفیف ۱۵؍ دسمبر سے نافذ العمل ہو جائے گی۔
بینک کی پریس ریلیز میں بتایا گیا ہے کہ اس نے بیرونی بینچ مارک پر مبنی شرح (ای بی ایل آر) میں  ۲۵؍بیسس پوائنٹس کی کمی کی ہے۔ یہ شرح موجودہ  ۱۵ء۸؍فیصد سے کم ہو کر پیر سے۹۰ء۷؍فیصد ہو جائے گی۔ ای بی ایل آر وہ شرح ہے، جو فلوٹنگ ریٹ پر لیے گئے ہر قرض کی شرحِ سود کا تعین کرتی ہے۔ زیادہ تر ہاؤسنگ قرض، ذاتی قرض اور چھوٹے کاروباری اداروں کو دیے گئے قرضوں کی شرحِ سود اسی بنیاد پر مقرر کی جاتی ہے۔

یہ بھی پڑھئے:آئرش گلوکار چارلی میک گیٹیگن بھی یوروویژن ٹرافی واپس کریں گے

ایس بی آئی نے یہ کمی ریزرو بینک آف انڈیا (آر بی آئی) کی جانب سے۵؍دسمبر کو ریپو ریٹ میں کی گئی ۲۵؍ بیسس پوائنٹس کی کمی کے بعد کی ہے۔ مرکزی بینک نے اس سال چوتھی مرتبہ ریپو ریٹ میں کمی کی ہے۔ اس دوران ریپو ریٹ میں مجموعی طور پر۲۵ء۱؍ فیصد کمی ہوئی ہے۔

یہ بھی پڑھئے:کنیڈا:۲۰۲۵ء کے پہلے ۹؍ماہ میں نئے بین الاقوامی طلبہ میں ۶۰؍ فیصد کمی

آر بی آئی کے گورنر سنجے ملہوترا نے۹؍ دسمبر کو بینکوں کے اعلیٰ حکام کے ساتھ اجلاس میں ریپو ریٹ میں کمی کا فائدہ صارفین تک پہنچانے کی ہدایت دی تھی۔ ایس بی آئی نے تمام مدتوں کے لیے مارجینل کاسٹ آف فنڈز پر مبنی قرض شرحوں میں۵؍ بیسس پوائنٹس اور بیس ریٹ میں ۱۰؍ بیسس پوائنٹس کی تخفیف کا اعلان کیا ہے۔ بینک نے بتایا ہے کہ اب بیس ریٹ ۱۰؍ فیصد سے گھٹ کر ۹۰ء۹؍فیصد ہو گیا ہے۔ اس کے ساتھ ہی فکسڈ ڈپازٹس پر صارفین کو دی جانے والی سود کی شرح زیادہ تر مدت کے لیے بدستور برقرار رہے گی۔ صرف دو برس یا اس سے زیادہ اور تین برس سے کم مدت کے لیے شرحِ سود ۴۵ء۶؍ فیصد سے گھٹا کر ۴۰ء۶؍ فیصد کر دی گئی ہے۔ بزرگ شہریوں کو اب اسی مدت کے ڈپازٹ پر۹۵ء۶؍ فیصد کے بجائے ۹۰ء۶؍ فیصد سود ملے گا۔ اس کے علاوہ امرت ورشٹھ  اسکیم کے تحت بزرگ شہریوں کے لیے ۴۴۴؍ دنوں کی مدت کے لیے شرح سود ۶۰ء۶؍ فیصد سے کم کرکے ۴۵ء۶؍فیصد کر دی گئی ہے۔