جن ۷؍نکات پرتوجہ دلائی گئی ہے اس میں نشہ سے بچنا، ڈی جے نہ بجانا، خواتین کا جلوس میں شرکت نہ کرنا، کھانے پینے کی اشیاءادب اور احترام کے ساتھ تقسیم کرنا تاکہ بے ادبی یا ضائع نہ ہوں، چھوٹے اسٹیج، بڑے جھنڈے نہ بنانا ،سفید لباس زیب تن کرکے ادب اور وقار کے ساتھ شرکت کرنا اور ٹریفک وعوامی سہولت کا خاص خیال رکھنا، شامل ہے۔ مساجد میں اس سے متعلق اعلان بھی کیا گیا۔ 

 

 

اس کے ساتھ ہی یہ بھی پیغام دیا گیا کہ جلوس میلاد مصطفےٰ ؐمحبت، عقیدت، ادب اور شریعت کے دائرے میں رہ کرمنائیں، نظم وضبط برقرار رکھیں، دوسروں کا احترام کریں،کسی کے لئے زحمت کا سبب نہ بنیں۔آئیےہم ایسا جلوس نکالیں جوآقائے دوعالم ؐ کو پسند ہو اورمعاشرے کےلئےنمونہ بنے۔ اس سلسلے میں انجمن جامع مسجد کے صدر اجمل خان نے بتایا کہ’’اس تعلق سےپولیس کی میٹنگ کے علاوہ مساجد میںاعلانات کئے گئے اور ان خطوط پر توجہ دلائی گئی ۔ اس کے علاوہ خاص طور پرعام را ہ گیروں کے لئے ٹریفک کا مسئلہ نہ ہو اس لئے ایک ہی جانب اسٹیج لگانے کا بھی فیصلہ کیا گیا ہے ۔‘‘انہوں نےیہ بھی بتایاکہ’’ عوامی سطح پرذمہ دار اشخاص کے ہمرا ہ بھی میٹنگ کی جائے گی تاکہ بہتر سے بہترانداز میںجلوس نکالا جاسکے ۔‘‘