بامبے ہائی کورٹ نے قانون ساز اسمبلی اسپیکر راہل نارویکر کو ادھو ٹھاکرے خیمے کے ۱۴؍ ایم ایل ایز کو معطل نہ کرنے کے فیصلے کو چیلنج کرنے والی درخواست پر نوٹس جاری کیا ہے۔ یہ درخواست وزیر اعلیٰ ایکناتھ شندے کے خیمے کے لیڈر بھرت گوگاوالے کی جانب سے داخل کی گئی ہے۔ عدالت نے ادھو خیمے کے ۱۴؍ ایم ایل ایز کو بھی نوٹس اور ایفی ڈیوٹ داخل کرنے کا حکم دیا ہے۔

سپریم کورٹ نے آج قانون ساز اسمبلی اسپیکر راہل نارویکر اور ادھو ٹھاکرے کے خیمے کے ۱۴؍ ایم ایل ایز کو نوٹس جاری کیا ہے۔ یہ نوٹس راہل نارویکر کے قانون سازوں کو معطل نہ کرنے کے فیصلے کو چیلنج کرنے والی درخواست پر جاری کیا گیا ہے۔ اس ضمن میں جسٹس گریش کلکرنی اور فردوس پونی والا کی بینچ نے مہاراشٹر قانون ساز سیکریٹریٹ کو بھی نوٹس جاری کیا ہے اور تمام جواب دہندگان کو ہدایات جاری کی ہیں کہ وہ درخواست پر اپنا ایفی ڈیوٹ کورٹ میں فائل کریں۔ بینچ نے معاملے کی سماعت ۸؍ جنوری تک کیلئے ملتوی کی ہے۔ یہ درخواست ایکناتھ شندے کی شیوسینا کے لیڈر بھرت گوگا والے نے داخل کی ہے۔
انہوں نے راہل نارویکر کے ۱۰؍ جنوری کے فیصلے کی قانونی اہمیت کو چینلج کیا ہے۔ گوگاوالے نے مطالبہ کیا ہے کہ عدالت راہل نارویکر کے فیصلے کو قانونی طرز پر خراب قرار دے اور ادھو ٹھاکرے کے ۱۴؍ ایم ایل ایز کو معطل کرنے کا حکم صادر کرے۔ عدالت کے اس حوالے سے کہا کہ تمام جواب دہندگان کو نوٹس جاری کیا گیا ہے۔ انہیں عدالت میں ایفی ڈیوٹ داخل کرنے کی بھی ہدایات جاری کی گئی ہیں۔ اس معاملے کی سماعت ۸؍ جنوری کو کی جائے گی۔ خیال رہے کہ تمام ایم ایل ایز کے خلاف یہ درخواست ۱۲؍ جنوری کو داخل کی گئی تھی۔ کورٹ نے یہ بھی واضح کر دیا ہے کہ جو بھی درخواستیں داخل کی گئی ہیں ان پر سماعت ایک یا دو دن کے درمیان ہوں گی۔ بعد ازیں جسٹس کلکرنی نے کہا کہ آٹو لسننگ کی وجہ سے درخواست پر آج سماعت کی گئی ہے۔ یہ اسٹینڈنگ نوٹس ہے کہ جو بھی درخواست داخل کی گئی ہیں ان پر سماعت کی جائے گی۔ اس طرح اس معاملے کو آگے بڑھایا جائے گا۔