ایس آئی آر (اسپیشل انٹینسیو رویژن ) کے تحت ووٹر لسٹ کے ڈرافٹ سے متعلق شہریوں کی رہنمائی اور ان کی قانونی مدد کیلئے بھانڈوپ میں بھی جمعہ کی شام ہیلپ ڈیسک قائم کیا گیا۔ اس کا نظم اسوسی ایشن فار پروٹیکشن آف سول رائٹس (اے پی سی آر)، مہاراشٹر کی جانب سے  زاہد کمپاؤنڈ، سوناپور، بھانڈوپ میں کیا گیا۔

 ایس آئی آر (اسپیشل انٹینسیو رویژن ) کے تحت ووٹر لسٹ کے ڈرافٹ سے متعلق شہریوں کی رہنمائی اور ان کی قانونی مدد کیلئے بھانڈوپ میں بھی جمعہ کی شام ہیلپ ڈیسک قائم کیا گیا۔ اس کا نظم اسوسی ایشن فار پروٹیکشن آف سول رائٹس (اے پی سی آر)، مہاراشٹر کی جانب سے  زاہد کمپاؤنڈ، سوناپور، بھانڈوپ میں کیا گیا۔ شہر اور مضافات کی سطح پر ایس آئی آر کے تعلق سے   قائم کیا جانے والا یہ۸؍ واں ہیلپ ڈیسک ہے۔ اس سے قبل مدنپورہ، گوونڈی، میراروڈ، اندھیری، کرلا، مالونی اور رابوڑی تھانے میں ہیلپ ڈیسک قائم کیا جاچکا ہے ، ان مراکز پر وکلاء صبح۱۰؍ بجے سے شام ۶؍ بجے تک اپنی خدمات انجام دے رہے ہیں۔ اب تک مجموعی طور پر تقریباً ڈیڑھ ہزار ووٹرس ہیلپ ڈیسک سے استفادہ کرچکے ہیں۔ اس کے علاوہ بھی جہاں شہریوں کو ایس آئی آر اور ووٹر لسٹ سے متعلق رہنمائی کی ضرورت محسوس ہوگی اور ان کی جانب سے مطالبہ کیا جائے گا ، وہاں مزید ہیلپ ڈیسک قائم کئے جائیں گے۔ 

یہ بھی پڑھئے: قبائلی اسکول ٹھیک کرو مہم کے تحت ابھیجیت دِپکے تاڈگاؤں اسکول پہنچے

بھانڈوپ ہیلپ ڈیسک پر ایڈوکیٹ رضی النساء خان شہریوں کو ایس آئی آر کے ڈرافٹ ووٹر لسٹ، نام کی جانچ، اعتراضات، تصحیح اور دیگر متعلقہ امور کے سلسلے میں رہنمائی کے لئے روزانہ صبح ۱۰؍  بجے سے شام۶؍ بجے تک موجود رہیں گی۔

یہ تمام خدمات مکمل طور پر مفت اور بلاتفریق مذہب فراہم کی جائیں گی اور شہریوں سے کسی قسم کی فیس وصول نہیں کی جائے گی۔ یہ تفصیلات اے پی سی آر مہاراشٹر کے جنرل سیکریٹری شاکر شیخ نے نمائندۂ انقلاب کو مہیا کرائیں۔