اسپین کے قصبے بونیول اور بلنسیہ میں بدھ کو ’’لا توماتینا فیسٹیول ‘‘ کا انعقاد کیا گیا تھا جس میں متعدد افراد نے کھیل کے دوران غزہ سے اظہار یکجہتی کیلئے فلسطینی پرچم لہرائے۔ یہ فیسٹیول ۱۹۴۵ء سے منعقد کیا جارہا ہے جس کی شروعات دو گاؤں میں تنازع کے بعد ہوئی تھی۔ امسال اس فیسٹیول کو ۸۰؍ سال مکمل ہوگئے ہیں۔

اسپین کی خودمختار کمیونٹی بلنسیہ اور بونیول کے قصبے میں سالانہ ’’لاتوماتینا فیسٹیول‘‘ کا انعقاد کیا گیا تھا جس میں دنیا بھر کے ۲۰؍ ہزار سے زائد سیاحوں نے حصہ لیا تھا جنہوں نے ۱۲۰؍ ٹن ٹماٹروں سے شہر کی سڑکوں کو سرخ رنگ میں تبدیل کر دیا۔

📍Buñol, Spain

The Palestinian flag was displayed at the internationally known festival La Tomatina, held annually in the Valencian town of Buñol, in solidarity with Palestine.🍅🇵🇸 pic.twitter.com/1KmBxCrRjx

— PALESTINE ONLINE 🇵🇸 (@OnlinePalEng) August 29, 2024

اسپین کی بائیں بازو کی سیاسی پارٹی نے مقامی شہریوں سے اپیل کی تھی کہ وہ فیسٹیول کے دوران غزہ سے اظہار یکجہتی کیلئے فلسطینی پرچم لہرائے اور اسرائیلی فوج کی مہم کے خلاف بینر بلند کریں۔ فیسٹیول میں ایسے ٹماٹروں کا استعمال کیا گیا تھا جو کھانے کے قابل نہیں تھے۔ فیسٹیول کا انعقاد کرنے والے افراد نے کہا کہ فیسٹیول میں استعمال ہونے والے ٹماٹر انسانوں کے کھانے کیلئے کوالیٹی کے معیار پر پورے نہیں اترتے۔ اس فیسٹیول کی شروعات ۱۹۴۵ء میں دو گاؤں کے درمیان ہونے والے تنازع سے ہوئی تھی جنہوں نے ایک دوسرے پر ٹماٹر پھینکے تھے۔ ہر سال یہ فیسٹیول اگست میں اسپین کے قصبے بونیول میں منعقد کیا جاتا ہے۔ ۲۹؍ نومبر ۲۰۲۴ء کو اسپین کے شہر بونیول میں سیلاب آنے کے بعد امسال اس فیسٹیول کا تھیم ’’تماترپیا‘‘ (ٹماٹر تھیرپی) رکھا گیا تھا۔ 

یہ بھی پڑھئے: کروشیا کے صدر کا فلسطین کو تسلیم کرنے کے پارلیمانی عمل کا آغاز کرنے کا مطالبہ

غزہ جنگ
یاد رہے کہ ۷؍ اکتوبر ۲۰۲۳ء کو غزہ میں اسرائیلی جنگ کی شروعات ہوئی تھی جس کے نتیجے میں اب تک ۶۱؍ ہزار سے زائد افراد جاں بحق اور لاکھوں زخمی ہوئے ہیں۔ اب تک کئی فیسٹیول اور تقریبات میں فلسطین حامی مظاہرین نے غزہ سے اظہار یکجہتی کیلئے فلسطینی پرچم بلند کئے ہیں۔