سوڈان کی وزارت صحت نے بتایا ہے کہ جنگ کے دوران سیلاب اور بارش سے متعلقہ حادثات میں اموات کی شرح ۲۰۵؍سے تجاوز کرگئی ہے جبکہ ہیضہ سے ہلاک ہونےو الے شہریوں کی تعداد ۱۸۵؍ ہوگئی ہے۔ سوڈان میں ہیضہ کے ۲۶۸؍ نئے معاملات درج کئے گئے ہیں۔ خیال رہے کہ افریقی ملک میں ہیضہ کو وباء قرار دی اہے۔

سوڈان کی وزات صحت کے مطابق جنگ کے دوران سوڈان میں سیلاب اور بارش سے متعلقہ حادثات کے نتیجے میں اموات کی تعداد ۲۰۵؍ سے تجاوز کر گئی ہے جبکہ ہیضہ سے ہلاک ہونے والے شہریوں کی تعداد ۱۸۵؍ ہے۔ وزارت نے اتوارکو اپنی رپورٹ میں کہا ہے کہ سوڈان میں ہیضہ کے ۲۶۸؍ نئے معاملات درج کئے گئے ہیںجن میں سوڈان کے شہر كسلا، القضارف اور نیل ریور میں ۶؍ اموات شامل ہیں۔ اس کے بعد سوڈان کی ۷؍ ریاستوں میں ہیضہ کے معاملات ۵؍ ہزار ۶۹۲؍ہوچکے ہیں جن میں ۱۸۵؍ اموات بھی شامل ہیں۔ ۱۲؍ اگست کو حکام نے ملک میں ہیضہ کو وباء قرار دیا تھا۔ اسی رپورٹ میںو زارت نے کہا ہے کہ سوڈان میں سیلاب اور بارش سے متعلقہ معاملات میں اموات کی تعداسد ۲۰۵؍ ہوچکی ہیں جبکہ ۸۸۶؍ افرادزخمی ہوئے ہیں۔ 

یہ بھی پڑھئے: اردن کے ٹرک ڈرائیور کی فائرنگ، ۳؍اسرائیلی سیکوریٹی اہلکار ہلاک

وزارت نے اپنی رپورٹ میں نشاندہی کی ہے کہ جون سے لے کر تب تک سوڈان میں بارش سے متعلقہ معاملات اور سیلاب کے نتیجے میں ۲۶؍ ہزار گھر مکمل طور پر تباہ ہوچکےہیں جبکہ ۳۳؍ ہزار گھروں کوعارضی طو ر پر نقصان پہنچا ہے۔ انٹرنیشنل آرگنائزیشن فار مائیگریشن (آئی او ایم) نےاعلان کیا ہے کہ سوڈان کی ۱۸؍ ریاستوں میں سے ۱۵؍ ریاستوں میں سیلاب اور بارش کی وجہ سے ایک لاکھ ۷۲؍ ہزار سوڈان بے گھر ہوئے ہیں۔