کچھ میڈیا رپورٹس میںیہ دعویٰ کیا جا رہا ہے کہ گاڑی میں ایڈوانسڈ ڈرائیور اسسٹنس سسٹم جیسی حفاظتی خصوصیات فراہم کی جائیں گی۔

ماروتی سوزوکی انڈیا لمیٹڈ۷؍سیٹوں والی پریمیم ایس یو وی پر کام کر رہی ہے۔ یہ پریمیم ایس یو وی گرینڈ وٹارا کا ۷؍ سیٹر ورژن ہو گا۔ یہ کار ہندوستانی مارکیٹ میں ٹا ٹا سفاری اور مہندرا ایکس یو وی ۷۰۰؍سے مقابلہ کرے گی۔تاہم کمپنی نے ابھی تک اس کار کے بارے میں کوئی باضابطہ تفصیلات شیئر نہیں کی ہیں۔ کچھ میڈیا رپورٹس میں یہ دعویٰ کیا جا رہا ہے کہ گاڑی میں ایڈوانسڈ ڈرائیور اسسٹنس سسٹم(اے ڈی اے ایس)جیسی حفاظتی خصوصیات فراہم کی جائیں گی۔کمپنی اپنی لائن اپ میں کار کو گرینڈ وٹارا اور ماروتی انویکٹو کے درمیان رکھے گی۔ اس کی قیمت تقریباً۱۵؍ لاکھ روپے سے شروع ہو سکتی ہے۔ رپورٹس کے مطابق، ماروتی سوزوکی اپنے گلوبل سی پلیٹ فارم پر گرینڈ وٹارا کا۷؍ سیٹر ماڈل تیار کر رہی ہے۔کمپنی اس کے ڈائمنشن کو بھی بڑھا سکتی ہے۔یہ کار موجودہ گرینڈ وٹارا سے بہت ملتی جلتی ہو گی لیکن اسے ایک نئی گرل اور ایل ای ڈی ہیڈ لیمپس کے ساتھ ایک نیا فرنٹ ڈیزائن مل سکتا ہے۔ اس کے علاوہ اس میں نئے الائے وہیل اور کنیکٹڈ ایل ای ڈی ٹیل لیمپ دیے جا سکتے ہیں۔
گرینڈ وٹارا کے موجودہ ماڈل میں استعمال ہونے والا انجن آئندہ۷؍ سیٹوں والی ایس یو وی میں بھی دیا جا سکتا ہے۔ اس میں ہلکے ہائبرڈ سیٹ اَپ کے ساتھ۱ء۵؍لیٹر قدرتی طور پر خواہشمند پیٹرول انجن کا آپشن ہوسکتا ہے ۔یہ انجن۱۱۵؍ بی ایچ پی کی پاور اور۲۵۰؍ این ایم کا ٹارک پیدا کرتا ہے۔ اس کے علاوہ کار میں نان ہائبرڈ انجن کا آپشن بھی دیا جا سکتا ہے۔