وزیر اعظم نریندر مودی نے منگل کو کہا کہ ہندوستان اس دہائی کے آخر تک اپنے تیل اور گیس کے شعبے میں سرمایہ کاری کو۱۰۰؍ ارب ڈالر تک لے جانے کا ارادہ رکھتا ہے اور اس کے لیے شراکت داری کی حوصلہ افزائی کر رہا ہے۔

وزیر اعظم نریندر مودی نے منگل کو کہا کہ ہندوستان اس دہائی کے آخر تک اپنے تیل اور گیس کے شعبے میں سرمایہ کاری کو۱۰۰؍ ارب ڈالر تک لے جانے کا ارادہ رکھتا ہے اور اس کے لیے شراکت داری کی حوصلہ افزائی کر رہا ہے۔ گوا میں منعقدہ توانائی کے شعبے پر ہندوستان کی عالمی کانفرنس انڈیا انرجی ویک  کا افتتاح کرتے ہوئے مودی نے کہاکہ ’’ہم اس دہائی کے آخر تک تیل اور گیس کے شعبے میں سرمایہ کاری کو ۱۰۰؍ ارب ڈالر تک لے جانے کی کوشش کر رہے ہیں۔ ہمارا مقصد کھدائی کے دائرے کو بھی۱۰؍ لاکھ مربع کلومیٹر تک پھیلانا ہے۔ اس وژن کے ساتھ ہمارے یہاں ۱۷۰؍سے زیادہ بلاکس کو الاٹ کیا جاچکا ہے۔ ‘‘ وزیر اعظم نے کہا کہ انڈمان اور نکوبار طاس بھی ہمارے معدنی تیل اور گیس کے لیے امید کے اگلے مرکز کے طور پر ابھر رہا ہے۔

یہ بھی پڑھئے:شویتا ترپاٹھی کا انکشاف، گولو گپتا نے ان کی تقدیر بدل دی

مودی نے کہا کہ انڈیا انرجی ویک بہت ہی کم وقت میں بات چیت اور اس پر عمل درآمد کا ایک عالمی پلیٹ فارم کے طور پر ابھرا ہے۔ آج تیل اور گیس کے شعبے کے لیے ہندوستان بے پناہ مواقع کی سرزمین ہے۔  وزیر اعظم نے کہا کہ ہندوستان دنیا کی بڑی معیشتوں میں سب سے تیزی سے ترقی کرنے والی معیشت ہے۔ اس کے ساتھ ساتھ ملک میں توانائی کی مصنوعات کی مانگ میں مسلسل اضافہ ہو رہا ہے۔ ہندوستان عالمی مانگ کو پورا کرنے کے لیے بھی بہترین مواقع  دستیاب کرواتا ہے۔

یہ بھی پڑھئے:دنیا میں قانون کی حکمرانی کے بجائے جنگل راج عام ہو رہا ہے: انتونیو غطریس

وزیر اعظم نے کہا کہ ’’ آج ہم دنیا میں پیٹرولیم مصنوعات کے ٹاپ پانچ برآمد کنندگان میں سے ایک ہیں۔ دنیا کے ۱۵۰؍ سے زیادہ ممالک تک ہماری برآمدات کا دائرہ ہے اور ہندوستان کی یہ صلاحیت آپ کے لیے بہت کام آنے والی ہے۔ ‘‘ لہٰذا، انرجی ویک کا یہ پلیٹ فارم ہماری شراکت کو دریافت کرنے کے لیے ایک بہترین جگہ ہے۔اس کانفرنس میں تقریباً ۱۲۵؍ ممالک سے توانائی کی صنعت کے نمائندے اور پالیسی ساز شرکت کر رہے ہیں۔ وزیراعظم نے اس تقریب کی کامیابی کے لیے مندوبین سے نیک خواہشات کا اظہار کیا۔