یاہو حکومت کے خلاف جم کر نعرے بازی کی ،مظاہرین نے حماس کے ساتھ قیدیوں کے تبادلے کے معاہدے میں ناکامی پر تنقید کی۔

حماس کے ساتھ قیدیوں کے تبادلے کے معاہدے تک پہنچنے میں ناکامی کے ردعمل میں غزہ کی پٹی میں اسرائیلی قیدیوں کے رشتہ داروں نے مغربی القدس میں اسرائیلی پارلیمان پر دھاوا بول دیا۔ کارکنان جو قیدیوں کی صورتحال کی طرف توجہ مبذول کروانا چاہتے تھے انہوں نے مہمان خانے کی کھڑکیوں پر پیلارنگ پھینک دیا جبکہ حزب اختلاف کے ارکانِ پارلیمان نے بھی اسیران کے لواحقین کی حمایت کی۔ 
 قیدیوں کے لواحقین اور مظاہرین کو حفاظتی اہلکاروں نے بعد ازاں پیچھے دھکیل دیا جنہوں نے پارلیمان میں منعقدہ اجلاس کے دوران یہ کارروائی کی تھی۔ اسرائیلی قیدیوں کے رشتہ دار اکثر مظاہرے کرتے ہیں جس میں وزیراعظم بن یامین نیتن یاہو سے حماس کے ساتھ قیدیوں کے تبادلے کے معاہدے تک پہنچنے میں ناکامی کی وجہ سے مستعفی ہونے کا مطالبہ کیا جاتا ہے۔ 

یہ بھی پڑھئے: تائیوان زلزلہ: زخمیوں کی تعداد ۱۰۱۱؍ہوگئی، بجلی اور پانی فراہمی کی خدمات ہنوز بحال نہیں ہوئیں

 غزہ میں اسرائیلی قیدیوں کے رشتہ داروں اور حکومت مخالف گروہوں سمیت ہزاروں مظاہرین نے۲؍ اپریل کی شام مغربی القدس میں نیتن یاہو کے گھر کے سامنے حکومت کے خلاف احتجاج کرتے ہوئے پولیس سے مد بھیڑ کی تھی جبکہ کچھ مظاہرین پولیس کی رکاوٹ کو عبور کرنے میں کامیاب ہو گئے جس پر حفاظتی قوتوں نے مظاہرین کے خلاف سخت مداخلت کی تھی۔