والمک تھاپر جنگلی حیات خاص طور پر شیروں کے تحفظ کے اپنے کام کیلئے جانے جاتے ہیں۔ ۲۰۲۴ء میں انہیں کینسر تشخیص ہوا تھا۔

جنگلی حیات کے تحفظ کیلئے کامکرنے والے مشہور والمک تھاپر کا آج نئی دہلی میں ۷۳؍ سال کی عمر میں انتقال ہوگیا۔ ۲۰۲۴ء میں انہیں کینسر تشخیص ہوا تھا۔ تھاپر تقریباً پانچ دہائیوں سے، خاص طور پر راجستھان کے رنتھمبور نیشنل پارک میں جنگلی شیروں کے تحفظ کی کوششوں میں شامل تھے۔ ۱۹۸۷ء میں انہوں نے مقامی کمیونٹیز کو تحفظ کی کوششوں میں ضم کرنے کیلئے رنتھمبور فاؤنڈیشن کی مشترکہ بنیاد رکھی اور بعد میں ایک این جی او کے ساتھ مل کر بے گھر دیہاتیوں کی روزی روٹی کمانے میں مدد کی۔ والمک تھاپر نے ۱۵۰؍ سے زیادہ سرکاری پینلز اور ٹاسک فورسیز کے رکن کے طور پر بھی خدمات انجام دیں، بشمول نیشنل بورڈ فار وائلڈ لائف اور ٹائیگر ٹاسک فورس، جو راجستھان کے سرسکا سے لاپتہ ہونے والے شیروں کیلئے قائم کی گئی تھی۔ 

یہ بھی پڑھئے:ریلائنس جیو نے ریکارڈ ۴ء۲۶؍لاکھ نئے سبسکرائبرس بنائے : ٹرائی

اپنی ۲۰۱۲ء کی کتاب’’ ٹائیگر مائی لائف، رنتھمبور اینڈ بیونڈ‘‘ میں تھاپر نے اپنے مشن کو بیان کیا تھا کہ شیروں کیلئے ’’آزاد جگہیں‘‘ بنانا شامل تھا، جہاں وہ ’’آزاد، شور سے دور، اور انسانوں سے دور رہ سکیں۔‘‘ وہ غیر قانونی شکار کے خلاف سخت قوانین کیلئے آواز بلند کرتے تھے۔ تھاپر ایک مصنف اور فلمساز بھی تھے۔ انہوں نے ۳۰؍ سے ​​زیادہ کتابیں لکھیں اور ان میں ترمیم کی، جن میں ’’لینڈ آف دی ٹائیگر‘‘ اور ’’ٹائیگر فائر‘‘ شامل ہیں، اور بی بی سی کی ایک دستاویزی سیریز ’’لینڈ آف دی ٹائیگر‘‘ کو شریک پروڈیوسر کے طور پر پیش بھی کیا۔

Rest in Peace, Valmik Thapar, the international voice of Indian tigers for many many years.

As a tribute to him, do read the many books he penned on tigers: ‘Tiger Fire’, ‘Living with Tigers’ and others. pic.twitter.com/SJJzZeELYn

— Neha Sinha (@nehaa_sinha) May 31, 2025

Deeply saddened to learn about the passing of noted conservationist, author and naturalist, Valmik Thapar.

A leading authority on Tiger conservation, he was as one of India`s most respected wildlife experts and was appointed a member of the Tiger Task Force of 2005.

My deepest… pic.twitter.com/xwRfezwCv1

— Mallikarjun Kharge (@kharge) May 31, 2025

تھاپر کے خاندان سے اظہار تعزیت کرتے ہوئے کانگریس کے صدر ملکارجن کھرگے نے کہا کہ ’’مشہور تحفظ پسند کے انتقال کے بارے میں جان کر انہیں بہت دکھ ہوا۔‘‘ کانگریس لیڈر جے رام رمیش نے کہا کہ تھاپر کی موت ایک بڑا نقصان ہے۔ آج کا رنتھمبور، خاص طور پر، ان کی گہری وابستگی اور ناقابل تسخیر جوش کا منہ بولتا ثبوت ہے۔ وہ حیاتیاتی تنوع سے متعلق مختلف امور کے بارے میں غیر معمولی طور علم رکھتے تھے اور میرے وزارتی دور کے دوران ایک دن بھی ایسا نہیں گزرا جب ہم ایک دوسرے سے بات کئے بغیر رہے ہوں۔‘‘ 
تحفظ حیاتیات کی ماہر نیہا سنہا نے انہیں کئی برسوں سے ہندوستانی شیروں کی بین الاقوامی آواز کہا۔ مصنف اور جنگلی حیات کے تحفظ کے ماہر نرمل گھوش نے کہا کہ تھاپر نے ’’شیر کے عالمی ترجمان کے طور پر ایک پائیدار میراث‘‘ چھوڑی ہے۔