برطانیہ کے شہر پورٹسمتھ میں منعقدہ میوزک فیسٹیول کے دوران آئرلینڈ کے مشہور لوک بینڈ ’’دی میری والپرز ‘‘(The Mary Wallopers) کو اس وقت اسٹیج سے اتار دیا گیا جب انہوں نے فلسطینی پرچم لہرایا اور’’فری فلسطین‘‘ کے حق میں نعرے لگائے۔ متعدد میوزک بینڈز نے فیسٹیول کے بائیکاٹ کا اعلان کیا۔

برطانیہ کے شہر پورٹسمتھ میں منعقدہ میوزک فیسٹیول کے دوران آئرلینڈ کے مشہور لوک بینڈ’’ دی میری والپرز‘‘ (The Mary Wallopers) کو اس وقت اسٹیج سے اتار دیا گیا جب انہوں نے فلسطینی پرچم لہرایا اور’’فری فلسطین‘‘ کے حق میں نعرے لگائے۔ بینڈ صرف ۲۰؍منٹ تک پرفارم کر پایا تھا کہ منتظمین نے اچانک مائیکروفونز بند کر دیئے اور انہیں اسٹیج سے نیچے اتار دیا۔ فیسٹیول کے منتظمین کا دعویٰ ہے کہ مائیکرو فونز اس لئے بند کئے گئے کیونکہ بینڈ نے متعصبانہ الفاظ استعمالکئے تھے، اور اس فیصلے کا تعلق ’’فری فلسطین‘‘ نعروں سے نہیں تھا۔ دوسری جانب دا میری واللوپرز نے الزام عائد کیا ہے کہ ان کی پرفارمنس کو صرف اس وجہ سے روکا گیا کیونکہ انہوں نے اسٹیج پر فلسطینی پرچم لہرایا۔ بینڈ نے کہا کہ وہ گزشتہ ۶؍برس سے ایسا کر رہے ہیں مگر ان کے ساتھ پہلے کبھی اس طرح کا رویہ نہیں اپنایا گیا۔ 
 اس واقعے کے بعد کئی بینڈز نے احتجاجاً اپنی پرفارمنس منسوخ کر دی۔ اس واقعے کے بعد کئی بینڈز نے احتجاجاً اپنی پرفارمنس منسوخ کر دی۔ بینڈز’’دی لاسٹ ڈنر پارٹی‘‘، ’’کلفرڈز‘‘ اور ’’دی اکیڈیمک‘‘ نے سنیچرکو اعلان کیا کہ وہ فیسٹیول میں شرکت نہیں کریں گے۔ یہ فیصلہ جمعے کو پیش آنے والے واقعے کے بعد سامنے آیا۔ 

A string of bands have pulled out of a UK music festival hours before they were due to perform after Irish band The Mary Wallopers said they were “cut off” for displaying a Palestinian flag. https://t.co/1KjPYAJYXH

— Shibley Telhami (@ShibleyTelhami) August 24, 2025

بینڈز کا سخت ردعمل
’’دی لاسٹ ڈنر پارٹی‘‘ نے انسٹاگرام پر جاری بیان میں کہا کہ ’’ہم وکٹوریس فیسٹیول میں دی میری والپرز کی آواز دبانے کے فیصلے پر شدید غصے میں ہیں۔ بطور بینڈ ہم سیاسی سنسرشپ کی حمایت نہیں کر سکتے، اس لئے آج ہم فیسٹیول کا بائیکاٹ کر رہے ہیں۔ ‘‘بیان میں مزید کہا گیا: ’’جب غزہ کے عوام کو جان بوجھ کر قحط میں دھکیلا جا رہا ہے، فنکاروں کیلئے لازم ہے کہ وہ اپنی پلیٹ فارمز کو اس معاملے کی جانب توجہ دلانے کیلئے استعمال کریں۔ اس وقت توجہ ہٹانے کی کوشش انتہائی مایوس کن ہے۔ ‘‘بینڈ نے اپنے مداحوں سے فلسطینی عوام کی مدد کرنے والی طبی تنظیم کو عطیات دینے کی بھی اپیل کی اور آخر میں کہا کہ فلسطین آزاد ہوگا۔ 

یہ بھی پڑھئے: ٹرانس ہیومینزم: ایلون مسک اور سیم آلٹ مین کے درمیان، ٹیکنالوجی انسانوں میں ضم کرنے کی مقابلہ آرائی

فیسٹیول انتظامیہ کا نیا مؤقف
بعد ازاں وکٹوریس فیسٹیول نے ایک اور بیان جاری کرتے ہوئے کہا: ’’ہم نے اپنی پالیسی واضح کرنے میں تاخیر اور غیر حساس رویہ اختیار کیا جس سے بینڈ کو مشکل صورتحال کا سامنا کرنا پڑا۔ یہ نہیں ہونا چاہئے تھا، ہم دل سے معذرت خواہ ہیں۔ ‘‘