برطانیہ کے شہر پیٹربرو میں واقع الما روڈ مسجد میں گھس کر ایک شخص نے نمازیوں سے بد تمیزی کی، انہیں گالیاں دیں، اور ہنگامہ آرائی کی، جس کے بعد اسے گرفتار کرلیا گیا۔

برطانیہ کے شہر پیٹربرو میں واقع الما روڈ مسجد میں گھس کر ایک شخص نے نمازیوں سے بد تمیزی کی، انہیں گالیاں دیں، اور ہنگامہ آرائی کی، پولیس کو تقریباً ۶؍ بج کر ۴۵؍ منٹ پر پر پیٹربرو میں واقع الما روڈ مسجد میں بلایا گیا، جس کے بعد اسے گرفتار کرلیا گیا۔ کیمبرج شائر پولیس کے مطابق، شہر کے ایک ۵۷؍سالہ شخص کو نسلی بنیاد پر تعصب کے مبینہ جرم کے شبے میں گرفتار کر کے حراست میں رکھا گیا ہے۔ایک ترجمان نے کہا کہ’’ اہلکاروں کا خیال ہے کہ یہ ایک الگ تھلگ واقعہ تھا اور تحقیقات جاری ہیں۔ترجمان کے مطابق آنے والے دنوں میں مساجد کے قریب پولیس کی موجودگی میں اضافہ کیا جائے گا۔‘‘ دریں اثناءشہر کی لیبر پارٹی کے ایم پی اینڈریو پیکس نے اس واقعہ کی مذمت کرتے ہوئے مساجد کی مشترکہ کونسل کمیٹی کو خط لکھ کر نسلی بدتمیزی اور حملے کے بعد اپنی تشویش اور یکجہتی کا کیا۔  

Today in Peterborough mosque ???

A man walks in at time of morning prayers and does this !

This is absolutely disgusting, and what if this man had a knife ? Or a gun !! @piersmorgan @GMB @BBCNews @peterboroughtel @DanielJHarrisUK @DanBilzerian @Tam_Khan @I_amMukhtar pic.twitter.com/1Dq6YjIHsq

— atiq rehman (@atiqraheem) October 24, 2025

انہوں نے بتایا کہ حکومت نے مسلم کمیونٹی گروپوں اور عبادت گاہوں کے لیے اضافی۱۰؍ ملین  یوروکے فنڈ کا اعلان کیا ہے۔ بعد ازاں لیبر کنٹرولڈ سٹی کونسل کی رہنما شبینہ قیوم نے بھی کمیٹی کو خط لکھتے ہوئے کہا، ’’میں نے کبھی سوچا بھی نہیں تھا کہ پیٹربرو، جو بنیادی طور پر امن پسند شہر ہے، کبھی بھی ایسی نفرت کا نشانہ بنے گا جیسا کہ ہم اب دیکھ رہے ہیں۔میں اسے حکومت میں اعلیٰ ترین سطح پر اور اپنے ایم پی کے ساتھ اٹھاؤں گی تاکہ یہ یقینی بنایا جا سکے کہ پیٹربرو میں ہماری مسلم کمیونٹی کو خوف اور بدتمیزی سے محفوظ رکھا جائے۔‘‘