مظفر نگر (اترپردیش)کے رتن پوری کے پھولت گاؤں میں ندیم نامی ایک نوجوا ن کو ہاتھ پاؤں باندھ کر بے دردی سے پیٹا گیا۔ پولیس نے بتایا کہ ندیم، افضل کی بیٹی کے ساتھ زیادتی کی کوشش کررہا تھا۔ پولیس کو گمراہ کرنے اور افضل کے خاندان پر الزام عائد کرنے کیلئے اس نے اپنے ہاتھ رسیوں سے باندھ کر ویڈیو سوشل میڈیا پر وائرل کیا۔ مزید تحقیقات جاری ہے۔

مظفر نگر (اترپردیش)کے رتن پوری کے پھولت گاؤں میں ہجومی تشدد کا ایک واقعہ سامنے آیا ہے جس میں ندیم نامی ایک نوجوان تشویشناک حالت میں پایا گیا، اس کے ہاتھ پاؤں بندھے ہوئے تھے اور چہرے اور جسم پر زخموں کے نشان تھے۔ سوشل میڈیا پر وائرل ایک ویڈیو میں ندیم کو بے ہوشی کی حالت میں دکھایا گیا ہے، جس میں یہ الزام لگایا گیا ہے کہ اسے نامعلوم حملہ آوروں نے بے دردی سے پیٹا ہے۔ متاثرہ کا تعلق اتر پردیش کے مظفر نگر سے ہے۔ 
ندیم کے اہل خانہ کے مطابق پولیس نے مجرموں کے خلاف کارروائی کرنے کے بجائے مبینہ طور پر متاثرہ شخص کو گھنٹوں تھانے میں بٹھائے رکھا جس سے پولیس کے طریقہ کار پر بھی سوالات اٹھ رہے ہیں۔ وائرل ویڈیو کے جواب میں مظفر نگر پولیس نے ایکس پر ایک بیان جاری کیا جس میں ۴؍ مارچ کو پیش آنے والے واقعے کا حوالہ دیا گیا ہے۔ 

#Update: There is an FIR against Nadeem and 4 others claiming that he tried to molest Afzal`s daughter by entering from the terrace. When caught, he escaped and later came with 4 others to beat them up. Police says, Nadeem later tied his hands to mislead and blame Afzal`s family. https://t.co/FfzxrAqc9D

— Hate Detector 🔍 (@HateDetectors) March 14, 2024

انہوں نے تصدیق کی کہ یہ معاملہ مسلم معاشرہ سے تعلق رکھتا ہے اور یقین دلایا کہ قانون کی متعلقہ دفعات کے تحت اسی دن ایف آئی آر درج کی گئی تھی۔ اس واقعے کے سلسلے میں تین افراد کو گرفتار کر کے عدالتی ریمانڈ پر بھیج دیا گیا ہے۔ بیان میں مزید یقین دلایا گیا ہے کہ رتن پوری پولیس اسٹیشن اس معاملے میں آگے کے قانونی اقدامات کر رہا ہے۔
پولیس نے مزید بتایا کہ ندیم اور ۴؍ افرا دکے خلاف ایف آئی آر درج کروائی گئی ہے۔ ندیم، افضل کے گھر کے ٹیرس کے راستے داخل ہوکر اس کی بیٹی کے ساتھ زیادتی کرنے کی کوشش کررہا تھا۔ جب اسے پکڑا گیا تو وہ فرار ہوگیا اور ۴؍ دیگر افراد کے ساتھ انہیں زدوکوب کرنے کیلئے آیا۔ پولیس نے بتایا کہ بعد میں ندیم نے پولیس کو گمراہ کرنے اور افضل کے خاندان پر الزام عائد کرنے کیلئے اپنے ہاتھ رسیوں سے باندھ لئے تھے۔