امریکی نیشنل انٹیلی جنس کی سبکدوش ہونے والی ڈائریکٹر تلسی گبارڈ نے دعویٰ کیا ہے کہ امریکہ نے ۳۰؍ سے زائد ممالک میں ۱۲۰؍ سے زیادہ بائیو لیب کو امداد دی، ساتھ ہی بائیڈن انتظامیہ پر پردہ پوشی کا الزام عائد کیا۔

نیشنل انٹیلی جنس کی سبکدوش ہونے والی ڈائریکٹر تلسی گبارڈ نے  ایک دھماکہ خیز بیان میں انکشاف کیا کہ  امریکہ نے ۳۰؍ سے زائد ممالک میں ۱۲۰؍ سے زیادہ بائیو لیب کو امداد دی۔گبارڈ نے جمعہ کو ایک بیان میں کہا، ’’ان امریکی امدادی بائیو لیب کے وجود، تاریخ، مقامات اور فنڈنگ سے متعلق معلومات کو طاقتور لوگوں نے جان بوجھ کر چھپایا ہے، جھوٹے دعوے کرتے ہوئے کہ وہ موجود نہیں ہیں، اور جو بھی اس کے برعکس کہتا ہے اسے غیر ملکی اثاثہ اور امریکہ کا غدار قرار دیتے ہیں۔‘‘انہوں نے مزید کہا، ’’ان میں سے بہت سی امریکی حکومت کی امدادی بائیو لیب اس وقت یا ماضی میں خطرناک اور انتہائی متعدی پیتھوجینز کا استعمال کرتے ہوئے تحقیق میں مصروف رہی ہیں، بعض صورتوں میں خطرناک ،گین آف فنکشن تحقیق بھی شامل ہے، جس پر بہت کم نظر یا نگرانی ہے۔

🇺🇦🇺🇸 US Director of National Intelligence Tulsi Gabbard has declassified documents showing that the US government funded more than 120 biological laboratories in over 30 countries, including Ukraine. pic.twitter.com/Nv8RNiAard

— Roberto (@UniqueMongolia) June 12, 2026

واضح رہے کہ ’’گین آف فنکشن‘‘ سے مراد وہ تحقیق ہے جو کسی موجودہ جاندار میں ترمیم کرکے اس کی خصوصیات کو بڑھاتی ہے یا نئی خصوصیات پیدا کرتی ہے۔ٹرمپ نے مئی۲۰۲۵ء میں اسے محدود کرنے کی کوشش کی جب انہوں نے ایک ایگزیکٹو آرڈر پر دستخط کرکے امریکی فنڈنگ کو اس مخصوص قسم کی تحقیق کے لیے دینےسے روک دیا۔اگرچہ گبارڈ نے تقریباً تین درجن ممالک میں امریکی امدادی لیب کے وسیع نیٹ ورک کا الزام لگایا، لیکن ان کی جاری کردہ ڈی کلاسیفائیڈ معلومات میں صرف یوکرین میں چار لیب کی وضاحت کی گئی ہے۔ تاہم یہ واضح نہیں ہے کہ باقی مبینہ بائیو لیب کہاں ہیں یا تھیں، اور کیا وہ اب بھی فعال ہیں۔

یہ بھی پڑھئے: البانیہ: ایوانکا ٹرمپ، جیرڈ کشنر ریزارٹ پلان کے خلاف احتجاج ۱۳؍ ویں دن میں داخل

دریں اثناء گبارڈ نے کہا، ’’بائیو لیب میں خطرناک پیتھوجینز پر تحقیق کے تباہ کن عالمی اثرات کے واضح امکان کے باوجود، سیاستدان، نام نہاد صحت کے پیشہ ور جیسے ڈاکٹر فاوچی، اور بائیڈن انتظامیہ کی قومی سلامتی ٹیم کے اداروں نے امریکی عوام سے امریکی امدادی اور معاون بائیو لیب کے وجود کے بارے میں جھوٹ بولا، اور ان لوگوں کو دھمکایا جنہوں نے سچائی کو بے نقاب کرنے کی کوشش کی۔‘‘گبارڈ نے کہا کہ ان کی ایجنسی ان لیب کو تلاش کرنے اور ان کے پیتھوجینز کی شناخت کے لیے شراکت داروں کے ساتھ کام کرے گی تاکہ خطرناک گین آف فنکشن ریسرچ کا خاتمہ کیا جا سکے۔

یہ بھی پڑھئے: ریلائنس کی ٹرمپ جونیئر سے منسلک ریفائنری میں سو ملین ڈالر کی سرمایہ کاری: رپورٹ

یاد رہے کہ چین نے پہلے امریکہ سے مطالبہ کیا تھا کہ وہ یوکرین میں اپنی درجنوں حیاتیاتی لیب کے بارے میں تفصیلات جاری کرے، جبکہ روس نے اس سے قبل الزام لگایا تھا کہ امریکی صدر جو بائیڈن کے بیٹے ہنٹر بائیڈن کی قیادت میں روزیمونٹ سینیکا انویسٹمنٹ فنڈ یوکرین میں حیاتیاتی لیب کی مالی معاونت میں ملوث تھا۔