پدم شری ایوارڈ یافتہ اور معروف یوگا گرو بابا شیوانند کا۱۲۸؍ سال کی عمر میں وارانسی میں انتقال ہو گیا۔ ان کے شاگردوں کے مطابق، وہ۳؍ مئی۲۰۲۵ء کی رات کو صحت کے مسائل کے باعث دنیا سے رخصت ہو گئے۔ وزیر اعظم نریندر مودی نے ان کے انتقال پر گہرے رنج و غم کا اظہار کیا۔

پدم شری ایوارڈ یافتہ اور معروف یوگا گرو بابا شیوانند کا۱۲۸؍ سال کی عمر میں وارانسی میں انتقال ہو گیا۔ ان کے شاگردوں کے مطابق، وہ۳؍ مئی۲۰۲۵ء کی رات کو صحت کے مسائل کے باعث دنیا سے رخصت ہو گئے۔ بابا شیوانند کو۳۰؍ اپریل کو صحت کے مسائل کے باعث بنارس ہندو یونیورسٹی (BHU) اسپتال میں داخل کرایا گیا تھا۔ ان کی آخری رسومات آج شام وارانسی میں ادا کی جائیں گی۔ بابا شیوانند کی پیدائش ۸؍اگست۱۸۹۶ء کو برطانوی ہندوستان کے ضلع سلہٹ (موجودہ بنگلہ دیش) میں ہوئی تھی۔ انہوں نے اپنی زندگی یوگا، سادگی اور خدمت خلق کیلئے وقف کر دی۔ انہوں نے کئی دہائیوں تک وارانسی میں گنگا کے کنارے یوگا سکھایا اور جذامی مریضوں اور غریبوں کی خدمت کی۔ 

योग साधक और काशी निवासी शिवानंद बाबा जी के निधन से अत्यंत दुख हुआ है। योग और साधना को समर्पित उनका जीवन देश की हर पीढ़ी को प्रेरित करता रहेगा। योग के जरिए समाज की सेवा के लिए उन्हें पद्मश्री से सम्मानित भी किया गया था।

शिवानंद बाबा का शिवलोक प्रयाण हम सब काशीवासियों और उनसे… pic.twitter.com/nm9fI3ySiK

— Narendra Modi (@narendramodi) May 4, 2025

۲۰۲۲ءمیں انہیں یوگا اور روحانی خدمات کے اعتراف میں ہندوستان کے چوتھے اعلیٰ ترین شہری اعزاز پدم شری سے نوازا گیا۔ وزیر اعظم نریندر مودی نے ان کے انتقال پر گہرے رنج و غم کا اظہار کرتے ہوئے کہا کہ بابا شیوانند جی کی زندگی یوگا اور سادھنا کیلئے وقف تھی جو آنے والی نسلوں کیلئے ایک تحریک ہے۔ وزیر اعلیٰ یوگی آدتیہ ناتھ نے یوگا گرو کو خراج عقیدت پیش کیا اور سوشل میڈیا پر تعزیتی پیغام لکھا۔ انہوں نے لکھا کہ’’یہ بہت افسوسناک ہے کہ کاشی کے مشہور یوگا گرو `پدم شری سوامی شیوانند جی، جنہوں نے `یوگا کے میدان میں بے مثال خدمات انجام دیں، کا انتقال ہو گیا۔ انہیں عاجزانہ خراج عقیدت!