صحافتی میدان میں کم و بیش ۵۰؍ سال سے فعال صحافی ظفر آغا کا آج ۷۰؍ سال کی عمر میں انتقال ہوگیا۔ وہ قومی آواز کے ایڈیٹر اِن چیف اور نیشنل ہیرالڈ کے سابق ایڈیٹر تھے۔ انہوں نے روزنامہ انقلاب کو بھی اپنی خدمات فراہم کی تھیں۔
EPAPER
Updated: March 22, 2024, 2:48 PM IST | Inquilab News Network | New Delhi
صحافتی میدان میں کم و بیش ۵۰؍ سال سے فعال صحافی ظفر آغا کا آج ۷۰؍ سال کی عمر میں انتقال ہوگیا۔ وہ قومی آواز کے ایڈیٹر اِن چیف اور نیشنل ہیرالڈ کے سابق ایڈیٹر تھے۔ انہوں نے روزنامہ انقلاب کو بھی اپنی خدمات فراہم کی تھیں۔
صحافت کے میدان میں کم و بیش ۵؍ دہائیوں سے فعال تجربہ کار صحافی، قومی آواز کے ایڈیٹر اِن چیف اور نیشنل ہیرالڈ کے سابق ایڈیٹر ظفر آغا آج (۲۲؍ مارچ) ۷۰؍ برس کی عمر میں کر گئے۔ انہوں نے اپنے صحافتی سفر کا آغاز ۱۹۷۹ء میں ’’لنک میگزین‘‘ سے کیا تھا۔ اپنے شاندار صحافتی کریئر کے دوران انہوں نے پیٹریاٹ، بزنس اینڈ پولیٹیکل آبزرور، اور انڈیا ٹوڈے جیسے اداروں کے مباحثوں میں بطور سیاسی ایڈیٹر حصہ لیا تھا۔
I was saddened to learn about the passing of Zafar Agha ji, a veteran journalist, columnist, and former Editor-in-Chief of the National Herald, Navjivan and Qaumi Awaz.
— Rahul Gandhi (@RahulGandhi) March 22, 2024
He was a stalwart in the world of journalism, was a friend, philosopher, guide and inspiration to many. He… pic.twitter.com/mkR0pG4L9L
انہوں نے ای ٹی وی، روزنامہ انقلاب اور نیشنل ہیرالڈ گروپ میں بھی نمایاں خدمات انجام دیں۔ انہوں نے قومی آواز کے ایڈیٹر کے طور پر خدمات انجام دیں اور بالآخر نیشنل ہیرالڈ کے ایڈیٹر اِن چیف کے عہدے پر فائز ہوئے۔انہوں نے بطور ممبر اور بعد میں ۲۰۱۷ء تک قومی کمیشن برائے اقلیتی تعلیمی اداروں کے باضابطہ چیئرمین کے طور پر بھی اہم کردار ادا کیا۔
ظفر آغا ۱۹۵۴ء میں الہ آباد، یوپی میں پیدا ہوئے تھے اور یادگار حسینی انٹر کالج اور الہ آباد یونیورسٹی سے تعلیم حاصل کی تھی۔ وہ انگلش لٹریچر کے طالب علم تھے۔ وہ اپنی پوری زندگی بائیں محاذ اور جمہوری نظریات کے حامی رہے۔