اقوام متحدہ (یو این) کی ایجنسی ورلڈ فوڈ پروگرام (ڈبلیو پی ایف ) نے متنبہ کیا ہے کہ سوڈان دنیا کا غذائی بحران سے متاثر سب سے بڑا ملک بننے کے دہانے پر ہے اور الفاشر میں تصادم میں اضافہ وہاں انسانی امداد کی رسائی میں رکاوٹ بن رہا ہے۔ خیال رہے کہ جنگ کے نتیجے میں اب تک ۱۶؍ہزار افراد جاں بحق ہو چکے ہیں جبکہ لاکھوں افراد غذائی بحران کا سامنا کر رہے ہیں۔

اقوام متحدہ کی ایجنسی ورلڈ فوڈ پروگرام (ڈبیلو پی ایف) نے سوڈان کے حالات کے حوالےسے متنبہ کیا اور کہا ہے کہ افریقی ملک دنیا کا سب سے بڑا غذائی بحران کا مقام بننے کے دہانے پر ہے۔اس ضمن میں سوڈان کیلئے ڈبلیوپی ایف کے ترجمان لینی کنزلی نے جمعہ کو ایک ورچوئل میٹنگ کے دوران کہا تھا کہ سوڈان میں بھکمری کو روکنے کیلئے وقت ختم ہورہا ہے اور الفاشر میں تصادم میں اضافہ امدادی کارکنان کیلئے وہاںانسانی امداد کی تقسیم میں رکاوٹ بن رہا ہے۔

WFP urgently requires unrestricted access to deliver assistance across the #Darfur region, says WFP`s @micdunford.

As clashes in #Sudan`s El Fasher intensify and the lean season sets in, people are resorting to consuming grass and peanut shells.

— World Food Programme (@WFP) May 3, 2024

انہوں نے مزید کہا کہ اس تباہ کن جنگ کو ایک سال گزر گئے ہیں جس کی وجہ سے ملک میں غذائی بحران میں اضافہ ہو رہا ہے اور سوڈان کے ملک کے سب سے بڑے غذائی بحران میں تبدیل ہونے کے دہانے پر ہے۔ الفاشر اور دارفور علاقوں میں جنگ اور لامتناہی نوکر شاہی (بیوروکریٹک ) رکاوٹوں کی وجہ سے غذائی امداد محدود ہو گئی ہیں۔

#𝗦𝘂𝗱𝗮𝗻 | Intensifying clashes in 𝗘𝗹 𝗙𝗮𝘀𝗵𝗲𝗿 are hindering efforts to deliver vital food assistance.

The situation is exacerbating critical humanitarian needs in #Darfur, where at least 1.7 million people are already experiencing emergency levels of hunger. pic.twitter.com/qGhXGFV416

— WFP Media (@WFP_Media) May 3, 2024

انہوں نے ایجنسی کی غذائی تقسیم کے حوالے سے کہا کہ ہم  موسم باراں سے قبل ۷؍ لاکھ افراد تک رسائی حاصل کرنے کی کوشش کر رہے ہیں جبکہ سڑکیں اب بھی استعمال شدہ ہیں اور ان کے پاس ۸؍ ٹن فوڈ اسٹاک محفوظ ہے لیکن رکاوٹوں کی وجہ سے ان کیلئے غذائی تقسیم مشکل ہو گئی ہے۔ انہوں نے ایجنسی کیلئے غذائی تقسیم کیلئے رکاوٹوں کو ہٹانے اور حفاظت کی گارنٹی دینے کی فوری ضرورت کی نشاندہی کرتے ہوئے کہا کہ بڑھتی ہوئی جنگ کی وجہ سے الفاشر میں فی الحال ایک ملین سے زائد افراد غذائی بحران کا سامنا کرنے پر مجبور ہیں۔ 

یہ بھی پڑھئے: اقوام متحدہ: عالمی سطح پر کھانے پینے کی اشیاء کی قیمتوں میں زبردست اضافہ

تاہم، سوڈان اور جنوبی سوڈان میں ۲۸؍ ملین سے زائد افراد غذائی عدم تحفظ سے جوجھ رہے ہیں۔ انہوں نے عالمی برادری سے اپیل کی کہ اس کیلئے کوئی کارروائی کی جائے۔کنزلی نے سوڈان میں سیاسی پارٹیوں کو عالمی قوانین کی پاسداری کرنے کے اپنے فرائض کی دوبارہ یقین دہانی کروائی۔ خیال رہے کہ الفاشر پر سوڈانی فوج قابض ہے۔

سوڈان میں غذائی امداد کی تقسیم کا منظر۔ تصویر: ایکس

جنگ کے نتیجے میں ۱۶؍ ہزار سے زائد افراد قتل 
یاد رہے کہ گزشتہ سال ۱۵؍ اپریل کو فوج کے جنرل عبدالفتاح برہان اور آر ایس ایف کے کمانڈر محمد حمداں دگالو کے درمیان آر ایس ایف کو فوج میں ضم کرنے کے بارے میں اختلافات کے بعد یہ جنگ شروع ہوئی تھی۔ تشدد میں اب تک ۱۶؍ ہزار سے زائد افراد مارے گئے ہیں اور ۲۰؍ لاکھ سے زائد افراد ملک چھوڑ کر نکل گئے ہیں۔سوڈان کے زیادہ شہری مصر، ایتھوپیا اور مرکزی افریقی جمہوریت ہجرت کر گئے ہیں۔ ملک کی ۸؍ ملین سے زائد آبادی اندرون ملک نقل مکانی پر مجبو ر ہو گئی ہے۔