ممبئی میں سستی، معیاری اور فیشن ایبل شاپنگ کرنا ایک فن ہے۔ یہاں ہر طبقے اور ہر بجٹ کے لوگوں کیلئے بازار موجود ہیں۔ بالخصوص گرمی کا موسم، آنے والا موسم یعنی بارش اور شادیوں کے سیزن کو دیکھتے ہوئے خریداری میں سمجھداری بہت ضروری ہوجاتی ہے۔ اگر آپ صحیح منصوبہ بندی کے ساتھ شاپنگ کریں تو کم خرچ میں بہترین چیزیں حاصل کرسکتے ہیں۔ ذیل میں کپڑوں، جوتوں، پرس اور نقلی زیورات کی خریداری سے متعلق اہم ہدایات نکات کی شکل میں پیش کی جارہی ہیں۔

گرمی میں ہمیشہ ہلکے اور آرام دہ کپڑوں کو ترجیح دیں۔ کاٹن، ململ، ریون اور لینن جیسے کپڑے زیادہ بہتر رہتے ہیں کیونکہ یہ پسینہ جذب کرتے ہیں اور جسم کو ٹھنڈک پہنچاتے ہیں۔

گہرے رنگوں کے بجائے ہلکے رنگ جیسے سفید، آسمانی، ہلکا گلابی اور کریم کلر کے کپڑے منتخب کریں۔ یہ دھوپ میں کم گرمی جذب کرتے ہیں۔

شادیوں کے سیزن کیلئے بہت زیادہ بھاری لباس لینے کے بجائے ایسے ڈریس خریدیں جو خوبصورت ہونے کے ساتھ ساتھ پہننے میں آرام دہ بھی ہوں۔

ممبئی کی نمی والے موسم کو دیکھتے ہوئے ایسے کپڑوں سے پرہیز کریں جن میں زیادہ استر یا موٹا کپڑا استعمال ہوا ہو۔

اگر آپ روزمرہ استعمال کیلئے کپڑے خرید رہے ہیں تو ایسے ملبوسات لیں جنہیں دھونا اور جلد خشک کرنا آسان ہو۔

ممبئی میں مانسون کافی شدید ہوتا ہے، اسلئے بارش کے موسم کیلئے جلد خشک ہونے والے کپڑے خریدنا زیادہ فائدہ مند رہتا ہے۔

لمبی پینٹ یا زیادہ گھیر والے کپڑوں کے بجائے درمیانی سائز کے ملبوسات بہتر ہوتے ہیں تاکہ بارش کے پانی اور کیچڑ سے بچا جاسکے۔

بارش کے دنوں میں سفید یا زیادہ ہلکے رنگ کے کپڑے احتیاط سے خریدیں کیونکہ یہ جلد خراب اور گندے نظر آتے ہیں۔

شادیوں کیلئے کپڑے خرید رہے ہیں تو ایسے ڈریس منتخب کریں جن پر زیادہ نازک کام نہ ہو کیونکہ نمی اور بارش میں وہ جلد خراب ہوسکتے ہیں۔

بارش میں استعمال کیلئے واٹر پروف یا نیم واٹر پروف پرس خریدیں۔

گرمی اور بارش دونوں موسموں کیلئے ایسے جوتے منتخب کریں جو آرام دہ ہوں اور پھسلن سے بچائیں۔

ممبئی کے مانسون میں چمڑے کے مہنگے جوتے جلد خراب ہو جاتے ہیں، اسلئے ربر سول یا واٹر ریزسٹنٹ جوتے بہتر رہتے ہیں۔شادیوں کیلئے اگر آپ ہائی ہیل سینڈل خرید رہی ہیں تو اس بات کا خیال ضرور رکھیں کہ وہ زیادہ وزنی نہ ہوں۔

روزمرہ استعمال کیلئے نرم اور ہلکے فٹ ویئر خریدیں تاکہ زیادہ چلنے میں دقت نہ ہو۔

گرمی اور بارش دونوں موسموں کیلئے ہلکے وزن والے بیگز زیادہ مناسب رہتے ہیں۔

بارش کے موسم میں کپڑے کے بجائے مصنوعی چمڑے یا واٹر پروف میٹریل والے پرس بہتر انتخاب ہیں۔

شادیوں کیلئے چھوٹے اور خوبصورت کلچ بیگز خریدے جاسکتے ہیں جو روایتی لباس کے ساتھ اچھے لگتے ہیں۔

 صرف خوبصورتی نہ دیکھیں بلکہ پرس کی مضبوطی اور زپ کے معیار پر بھی توجہ دیں۔

اگر آپ روزانہ سفر کرتی ہیں تو ایسا بیگ خریدیں جس میں موبائل، فولڈنگ چھتری اور دیگر ضروری اشیا آسانی سے رکھی جاسکیں۔

 

 

شادیوں کے سیزن میں نقلی زیورات کی مانگ بڑھ جاتی ہے، اس لئے خریداری جلد کرلینا بہتر رہتا ہے۔

بہت بھاری زیورات کے بجائے ہلکے اور نفیس ڈیزائن منتخب کریں تاکہ گرمی میں پہننے میں آسانی ہو۔

ایسے زیورات خریدیں جن کی پالش اچھی ہو تاکہ نمی اور پسینے سے جلد خراب نہ ہوں۔

اگر آپ مختلف کپڑوں کے ساتھ ایک ہی جیولری استعمال کرنا چاہتی ہیں تو گولڈن، سلور یا پرل ڈیزائن زیادہ مناسب رہے گا۔بازار میں خریداری کرتے وقت زیورات کے لاک اور ہک ضرور چیک کریں کیونکہ سستے زیورات میں یہ جلد ٹوٹ جاتے ہیں۔

ممبئی کے مشہور بازاروں میں بھیڑ بہت زیادہ ہوتی ہے، اس لئے پرس اور موبائل کا خاص خیال رکھیں۔

خریداری کیلئے دوپہر کے بجائے صبح یا شام کا وقت بہتر ہوتا ہے کیونکہ گرمی کم ہوتی ہے۔

اگر آپ سڑک کنارے بازاروں سے خریداری کررہے ہیں تو بھاؤ تاؤ ضرور کرلیں کیونکہ اکثر دکاندار زیادہ قیمت بتاتے ہیں۔بجٹ پہلے سے طے کرلیں تاکہ غیر ضروری اخراجات سے بچ سکیں۔ 

فیشن کے پیچھے آنکھیں بند کرکے دوڑنے کے بجائے ایسی چیزیں خریدیں جو دیر تک استعمال ہوسکیں۔

 

 

nشادیوں کیلئے خریداری کرتے وقت ایک ہی بھاری جوڑے پر زیادہ رقم خرچ کرنے کے بجائے ایسے ملبوسات خریدیں جنہیں مختلف انداز میں دوبارہ بھی استعمال کرسکیں۔

nہلکے کام والے شاندار سوٹ زیادہ کارآمد رہتے ہیں کیونکہ انہیں گرمی اور بارش دونوں موسموں میں پہنا جاسکتا ہے۔شادیوں میں مسلسل شرکت کیلئے آرام دہ سینڈل اور میچنگ جیولری پہلے سے خرید لینا فائدہ مند رہتا ہے۔

ایسے رنگ منتخب کریں جو دن اور رات دونوں تقاریب میں اچھے لگیں، مثلاً مہندی، فیروزی، آف وائٹ، گلابی اور سنہری رنگ۔

اگر آپ آن لائن شاپنگ کررہے ہیں تو سائز، کپڑے اور ریٹرن پالیسی اچھی طرح چیک کرلیں۔

مختصر یہ کہ ممبئی میں شاپنگ کرتے وقت موسم، آرام، معیار اور بجٹ، ان چاروں چیزوں کو ذہن میں رکھنا بے حد ضروری ہے۔ گرمی، بارش اور شادیوں کے سیزن کو مدنظر رکھتے ہوئے اگر سمجھداری سے خریداری کی جائے تو نہ صرف پیسے کی بچت ہوتی ہے بلکہ آپ فیشن اور آرام دونوں کا لطف بھی اٹھاسکتے ہیں۔