وزیراعظم  سے قریشی کی اس ملاقات  کے بعد الیکشن کمیشن کے خلاف بیانات کا سلسلہ رک گیا تھا۔ایس وائی قریشی کے مطابق یہ معاملہ اتر پردیش اسمبلی انتخابات کے دوران اس وقت شروع ہوا جب کانگریس کے لیڈر سلمان خورشید نے انتخابی مہم کے دوران وعدہ کیا کہ اگر ان کی پارٹی اقتدار میں آئی تو مسلمانوں کیلئےملازمتوں میں ریزرویشن۴ء۵؍ فیصد سے بڑھا کر۹؍ فیصد کر دیا جائے گا۔

یہ بھی پڑھئے: وانگ چک کی حالت ابتر، چوطرفہ حمایت

بی جے پی نے اسے  انتخابی ضابطہ ٔ اخلاق کی خلاف ورزی قرار دیتے ہوئے الیکشن کمیشن سے شکایت کی۔  قریشی  کے مطابق کہ بی جے پی اور کانگریس کے دلائل سننے کے بعد الیکشن کمیشن نے سلمان خورشید کی سرزنش کی، جو ضابطۂ اخلاق کے تحت ممکنہ سخت ترین کارروائی تھی۔اس فیصلے کے  کانگریس کے بعض حلقوں نے سرعام  الیکشن کمیشن  پرتنقید کی اوراس کے عمل کو ’’من مانی‘‘قرار دیاہے۔قریشی نے  کے مطابق ان کی ذات پر کی گئی تنقید سے انہیں کبھی مسئلہ نہیں رہا، لیکن  ادارے کی ساکھ کو نقصان پہنچانے والی تنقیدیںناقابل قبول تھیں۔ اسی لئے انہوں نے اس وقت وزیر اعظم کے پریس سیکریٹری ہریش کھرے سے اپنی شکایت کی اور کہا کہ یہ معاملہ وزیر اعظم کے علم میں لایا جائے۔قریشی کے مطابق اگلے ہی دن وزیر اعظم کے دفتر سے انہیں فوری ملاقات کیلئےفون آیا۔ شام ۷؍بجے وزیر اعظم کی رہائش گاہ پر ملاقات کے دوران ڈاکٹر منموہن سنگھ نے نہایت رنجیدہ لہجے میں کہاکہ’’اگر آپ واقعی ایسا سوچتے ہیں تو میں خودکشی کر لوں گا۔‘‘قریشی نے لکھا کہ وہ یہ سن کر حیران رہ گئے کیونکہ ان کی شکایت وزیر اعظم کے خلاف نہیں بلکہ چند وزرا کے رویے کے بارے میں تھی۔ انہوں نے بتایا کہ چند منٹ بعد ڈاکٹر منموہن سنگھ نے خود کو سنبھالتے ہوئے کہاکہ’’مجھے اس بارے میں بالکل علم نہیں تھا۔ اگر مجھے معلوم ہوتا تو میں انہیں سخت ڈانٹتا۔ آئندہ اگر کوئی بات ہو تو براہِ راست مجھے فون کیجیے۔‘‘ قریشی کے مطابق ڈاکٹر منموہن سنگھ نے اس  وقت کہاتھا کہ ’’الیکشن کمیشن صرف  ہندوستان کیلئے باعث افتخار  ہی نہیں ، ہماری جمہوریت کی روح ہے۔ اگر ہم اسے کھو دیں تو ہم سب کچھ کھو دیں گے۔‘‘