امیتابھ بچن ایک بار پھرایکس پر ٹرول ہورہے ہیں۔امیتابھ بچن نےایسا ٹویٹ کیا ہےکہ انہیں لوگ برا بھلا کہہ رہے ہیں۔ ان کی آواز کو بھی تنقید کانشانہ بنا رہے ہیں۔

بالی وو ڈ کے شہنشاہ امیتابھ بچن اکثر اپنے ٹویٹس کی وجہ سے سرخیوں میں رہتے ہیں۔ اس بار بھی کچھ ایسا ہی ہوا ہےجب ناقدین کو جواب دینے کی کوشش میں بگ بی نے اپنے ہی پیر پر کلہاڑی مار لی ہے۔ امیتابھ نے۲۳؍ جون کو دوپہر۱۲؍ بجے ایک ٹویٹ کیا ہے، جس میں انہوں نے اپنے ناقدین پر تنقید کرنے کیلئے کچھ کہا تھا حالانکہ یہ پہلی بار نہیں ہوا ہے کہ سوشل میڈیا پر امیتابھ اور صارفین کے درمیان تکرار ہوئی ہو۔ اس بار بھی عوام نے امیتابھ کی باتوں کا منہ توڑ جواب دیا ہے۔ 
 امیتابھ بچن نے رات دیر گئے ٹویٹ کیا۔ اس ٹویٹ میں بگ بی نے لکھاکہ ’’ `جی حضور، میں بھی مداح ہوں، تو؟‘‘بگ بی کے اس ٹویٹ پر ایک صارف نے فون پر کسی کو کال کرنے سے پہلے کالر ٹیون میں ان کی آواز پر تبصرہ کیا اور کہاکہ ’’پھر فون پر بات کرنا بند کردیجئے۔ ‘‘ بگ بی نے بھی صارف کو جواب دیتے ہوئے کہا کہ ’’ حکومت سے کہئے بھائی، میں نےوہی کیا جو سرکار نے مجھ سے کہا۔ ‘‘
`’آپ ایک نقاد ہیں ! کیونکہ تنقیدکرنا آپ کی ملازمت ہے!‘ 
 امیتابھ نے لگاتار کئی ٹویٹس کئے، جس میں انہوں نے لکھاکہ’’ آپ ایک ناقد ہیں ! کیونکہ تنقید کرنا آپ کی ملازمت ہے! تنقید کا استقبال، آپ کی ملازمت یقینی۔ ‘‘ امیتابھ کے اس ٹویٹس پر یوزرس نے تبصروں کی بارش کردی ہے۔ ایک نے لکھا’’ ایمرجنسی کال، ۳۸؍ سیکنڈ میں ۲۴۲؍جانیں ختم ہو گئیں۔ اب سوچیں کہ اگر اس ایمرجنسی میں کوئی فون کرتا ہےتو پہلے۳۰؍ سیکنڈ اسے امیتابھ بچن کی وارننگ سننی پڑتی یا کسی کو دل کا دورہ پڑ جاتا، یا کوئی سنگین حادثہ پیش آتا، تب وہ سائبر کرائم سے توبچ جاتا۔ ‘‘ ایک نے کہاکہ ’’بھولئے مت، امیت جی، آپ نے بھی ایک بار آل انڈیا ریڈیو پر ایسا ہی کرنے کی کوشش کی تھی۔ ‘‘
`’میری آپ سے درخواست ہے کہ موبائل پر چلنے والی آواز بند کر دیں ‘ 
 ایک اور صارف نے کہاکہ ’’ ارے سر، نمبر لکھنا بھول گئے۔ ‘‘ ایکس پر ایک اور یوزر نے کہاکہ ’’ بہت سے لوگ امیتابھ بچن کی آواز سننا پسند نہیں کرتے، موبائل پر آپ کی آوازکانوں کو خراب لگتی ہے، ویسے آپ کی کیا رائے ہے؟‘‘ ایک نے پوچھا کہ ’’ سر پیر کو سبھی مصروف رہتےہیں، آپ اتنے فارغ کیسے ؟‘‘ ایک اور صارف نے کہاکہ ’’ سر، میری آپ سے درخواست ہے کہ موبائل پرسنائی دینے والی آپ کی آواز بند کر دیں، ہمارے کان آپ کی آواز سن سن کر تھک گئے ہیں اور اب ہم برداشت نہیں کر سکتے۔ ‘‘
 ’’ مجھے آپ سے دو کوڑی کے جواب کی امید نہیں تھی‘‘
 ایکس پر صارفین امیتابھ بچن کو تنقید کا نشانہ بناتے ہوئے تھک نہیں رہے۔ ایک نے کہاکہ ’’ امیت جی، آپ کی بلوغت ختم ہورہی ہے اورزیرو ٹالرینس کی طرف جا رہے ہیں، اس عمر میں آپ سوشل میڈیا پر مصروف رہتے ہیں، آپ نے ہٹ فلموں میں کام کیاہے اور اب آپ احمقوں کی طرح برتاؤ کر رہے ہیں۔ ‘‘ کچھ نے براہ راست کہا ہے کہ ’’فون پر یہ بکواس بند کرو۔ ‘‘ایک اور صارف نے لکھاکہ ’’ `یکطرفہ پرستار ہونے کا مطلب چاپلوسی نہیں ہے۔ اگر آپ مداح ہونے کے ساتھ ساتھ ناقد بھی ہیں تو اس کا مطلب ہے کہ آپ صحیح راہ پر ہیں، چاہے نوکری ملے یا نہ ملے، آپ سے کسی دوکوڑی کے جواب کی توقع نہیں تھی۔ ‘‘اس سے قبل امیتابھ کو اس معاملے میں تنقید کا نشانہ بنایا گیا ہے۔