۱۸؍سالہ کھلاڑی سر پر اپنے ہاتھوں سے تاج رکھنے کے انداز میں جشن مناتے ہیں جو یہ واضح کرتا ہے کہ وہ فٹبال کے ’مستقبل کے بادشاہ‘ کا تاج ہے۔

نوجوان اسٹار لامين یمل نہ صرف اپنی غیر معمولی صلاحیت کی وجہ سے بلکہ اپنے جرأت مندانہ گول منانے کے انداز کی وجہ سے بھی عالمی فٹبال میں سب سے نمایاں ناموں میں سے ایک بن گئے ہیں۔ گول کرنے کے بعد یہ بارسلونا کے  ۱۸؍سالہ کھلاڑی اپنے سر پر اپنے ہاتھوں سے  تاج رکھنے کے انداز میں جشن مناتے ہیں جو علامتی طور پر یہ واضح کرتا ہے کہ وہ فٹ بال کے ’مستقبل کے بادشاہ‘ کا تاج ہے۔جہاں بہت سے مداح  لامین یمل کے اعتماد کی تعریف کر رہے ہیں وہیں کچھ لوگوں نے اس جشن پر تنقید بھی کی ہے۔ کچھ لوگ اسے اس کی عمر کے کھلاڑی کے لئے، خاص طور پر اس کے ارد گرد کے دباؤ کو دیکھتے ہوئے، بہت زیادہ سمجھتے ہیں۔ جبکہ کچھ دوسرے اسے فٹبال کی دنیا میں ایک مستقل میراث بنانے کے اس کے پختہ ارادے کا مظاہرہ سمجھتے ہیں۔
  لامین یمل نے پہلی بار یہ جشن بارسلونا کے ایشیائی دورے کے دوران منایا تھا، جہاں انہوں نے ایف سی سیول کے خلاف ۲؍ گول کئے تھے۔ سینے پر ہاتھ مارنے کے بعد انہوں نے خود کو تاج پہنایا، یہ انداز این بی اے کے عظیم کھلاڑی لیبرون جیمز سے متاثر تھا۔ واضح رہے کہ لیبرون کو ہمیشہ ’کنگ جیمز‘ کے نام سے جانا جاتا ہے اور ان کا خود پر فخر کرنے والا جشن ان کا ٹریڈ مارک بن گیا ہے کیونکہ وہ باسکٹ بال کی تاریخ میں سب سے عظیم کھلاڑیوں میں سے ایک بن گئے ہیں۔ تب سے یمل نے بارسلونا کے میچوں میں وہی توانائی برقرار رکھی ہے۔ انہوں نے جوآن گیمپر ٹرافی میں ۲؍ گول کرنے کے بعد اسی طرح جشن منایا تھا اور لا لیگا میں میلورکااور لیوانتےکے خلاف میچوں میں بھی یہی انداز دہرایا۔ اس باصلاحیت نوجوان کھلاڑی نے میدان پر اپنی شناخت کا حصہ بنا لیا ہے، بالکل ویسے ہی جیسے ان کے باسکٹ بال کے آئیڈل نے بنایا تھا۔
 لامین یمل اب بارسلونا کی مشہور نمبر ۱۰؍ جرسی پہنتے ہیں اور ان سے کافی امیدیں ہیں، لیکن ان کا جشن ظاہر کرتا ہے کہ وہ ان امیدوں پر پورا اترنے کے لئے تیار ہیں۔ اسپین کے بلغاریہ اور ترکی کے خلاف آئندہ میچوں میں مداح اس نوجوان اسٹار کو بین الاقوامی سطح پر اپنی ’شاہی‘ روایت جاری رکھتے ہوئے دیکھ سکتے ہیں۔چاہے یہ تکبر ہو یا اعتماد، ایک بات تو یقینی ہے لامین یمل کو صرف ایک ہونہار کھلاڑی کے طور پر نہیں بلکہ اس سے بھی بڑھ کر یاد رکھا جانا چاہیے۔