موسیقی کی دنیا کے معروف ستارے شکیرا اور برنا بوائے اس ستاروں سے سجی افتتاحی تقریب کی قیادت کی، جو اسٹیڈیو ازٹیکا میں منعقد ہوئی۔

ورلڈ کپ ۲۰۲۶ء آخرکار شروع ہو گیا ہے اور اس کا آغاز میکسیکو سٹی میں ایک شاندار افتتاحی تقریب سے ہوا ہے، جس کے بعد ٹورنامنٹ کا پہلا میچ میکسیکو اور جنوبی افریقہ کے درمیان کھیلا جائے گا۔ موسیقی کی دنیا کے معروف ستارے شکیرا اور برنا بوائے اس ستاروں سے سجی افتتاحی تقریب کی قیادت کی، جو اسٹیڈیو ازٹیکا میں منعقد ہوئی۔ یہ ٹورنامنٹ کی تین افتتاحی تقریبات میں سے پہلی ہے جبکہ امریکہ اور کنیڈا بھی کل اپنی اپنی تقریبات کی میزبانی کریں گے۔

The Mexico 2026 World Cup opening ceremony is LIT 🔥🇲🇽 pic.twitter.com/AYTQcZ6SC7

— B/R Football (@brfootball) June 11, 2026

اسٹیج ہٹائے جانے اور رنگ برنگی کاغذی بارش (کنفیٹی) صاف کیے جانے کے بعد توجہ میدان کے اندر ہونےوالے میچ پر مرکوز ہو جائے گی۔ میزبان میکسیکو، جس کی قیادت خاویئر اگیری کر رہے ہیں اور جو اپنے ہوم گراؤنڈ پر شاندار کارکردگی کی امید رکھتا ہے، گروپ اے کی نسبتاً کمزور سمجھی جانے والی ٹیم جنوبی افریقہ کے مقابل آئے گا۔ جنوبی افریقہ ۲۰۱۰ءمیں میزبانی کرنے کے بعد پہلی مرتبہ ورلڈ کپ میں شرکت کر رہا ہے۔

يلعنم ام الدخلة ، اخيراً كاس العالم الصيفي الشاكيري رجع

Thank you FIFA pic.twitter.com/QeUnNDJdKZ

— ابو مرام 🏴‍☠️ (@salimas111) June 11, 2026

 میکسیکو کی تقریب میں مقامی ثقافتی روایات، مقامی قبائلی فنکاروں، جدید لوک رقص اور رنگا رنگ ’’پاپیل پیکاڈو‘‘ آرٹ کو نمایاں کیا گیا۔ تقریب میں عالمی شہرت یافتہ گلوکارہ شکیرا اور برنا بوائے سمیت متعدد مقامی اور بین الاقوامی فنکار فیفا ورلڈ کپ کے آفیشل گیت پر پرفارم کریں گے۔

یہ بھی پڑھئے:اُدئے چوپڑا کی واپسی، ناکام اداکاری سے ہالی ووڈ، پھرYRF اسپائی یونیورس تک کا سفر

دوسری افتتاحی تقریب ۱۲؍جون کو ٹورنٹو میں کنیڈا اور بوسنیا و ہرزیگووینا کے درمیان میچ سے قبل منعقد ہوگی۔ کنیڈا کی تقریب ’’ثقافتی موزیک‘‘ کے موضوع کے گرد گھومے گی جس میں ملک کی نسلی اور ثقافتی تنوع کو موسیقی، رقص اور بصری فنون کے ذریعے اجاگر کیا جائے گا۔ اس تقریب میں ایلانس موریسیٹ، الیسیا کارا، ایلیانا، جیسی ریز، مائیکل ببلے، نورا فتحی، سنجوئے، ویجی ڈریم اور ولیم پرنس کی پرفارمنس متوقع ہے۔

یہ بھی پڑھئے:پُرسکون اور بے فکری سے رہنا بہتر ہے: انفانٹینو

تیسری اور آخری افتتاحی تقریب ۱۲؍ جون کو لاس اینجلس میں امریکہ اور پیراگوئے کے درمیان میچ سے قبل ہوگی۔ امریکی تقریب میں جدید بصری ٹیکنالوجی، منفرد کہانی بیان کرنے کے انداز اور عالمی شہرت یافتہ فنکاروں کا پرفارمنس شامل ہوگا۔ متوقع فنکاروں میں کیٹی پیری، فیوچر، انیتا، لیسا، ریما اور ٹائلا شامل ہیں۔ افتتاحی تقریبات کے اختتام کے بعد تمام توجہ فٹبال ایکشن پر مرکوز ہو جائے گی۔ ٹیمیں وارم اپ سیشنز میں حصہ لیں گی جبکہ فیفا کی روایتی پری میچ تقریبات جن میں کھلاڑیوں کی میدان میں آمد اور تعارف شامل ہے۔