جنوبی افریقہ کو آسٹریلیا کے خلاف تیسرے ون ڈے سے پہلے بڑا دھچکا لگا ہے جب اس کے اسٹار فاسٹ بولر اینرک نورٹجے کمر کی چوٹ کی وجہ سے میچ سے باہر ہو گئے ہیں ۔

جنوبی افریقہ کو آسٹریلیا کے خلاف تیسرے ون ڈے سے پہلے بڑا دھچکا لگا ہے جب اس کے اسٹار فاسٹ بولر اینرک نورٹجے کمر کی چوٹ کی وجہ سے میچ سے باہر ہو گئے ہیں ۔ نارٹجے کو جاری ون ڈے سیریز کے دوسرے میچ میں آسٹریلیا کے خلاف پروٹیز کی۱۲۳؍ رن کی شکست کے دوران کمر کے نچلے حصے میں درد ہوا اور وہ ۵؍اوورس کرنے کے بعد میدان چھوڑ دیا۔ بعد میں وہ جنوبی افریقہ کے لیے بیٹنگ کے لیے واپس آئے لیکن انہیں مزید طبی معائنے کی ضرورت ہوگی۔
 آئی سی سی کی رپورٹ کے مطابق نورٹجے کا پیر کو جوہانسبرگ میں اسکین کروایا جائے گا تاکہ بیماری کی شدت کا پتہ لگایا جا سکے۔چوٹ کی وجہ سے۱۲؍ستمبرکو تیسرے ون ڈے میں حصہ نہیں لے پائیں گے۔ جنوبی افریقہ کی نظر اسکین کے نتائج پر ہوگی کیونکہ آئی سی سی مینز ورلڈ کپ شروع ہونے میں ایک مہینے سے بھی کم کا وقت بچا ہے اور ٹورنامنٹ میں پرو ٹیز کا پہلا میچ سری لنکا کے خلاف ۷؍اکتوبر کو دہلی میں ہوگا۔ 
 جنوبی افریقہ آسٹریلیا کے خلاف ۵؍ میچوں کی ون ڈے سیریزمیں ۰۔۲؍سے پیچھے چل رہی ہے اور سیریزکو برقرار رکھنے کے لئے اسے اگلا میچ جیتنا ہوگا۔ اس وقت جنوبی افریقہ کی ٹیم اچھا نہیں کھیل رہی ہے اور اسے آسٹریلیا سے کامیابی حاصل کرنے کیلئے محنت کرنی ہوگی۔