آئی پی ایل۲۰۲۶ء : آئی پی ایل ۲۰۲۶ء منی نیلامی دسمبر میں ہونے کی امید ہے۔ تمام فرنچائزیز کو ۱۵؍ نومبر تک اپنے کھلاڑیوں کو برقرار رکھنے کی فہرست جاری کرنی ہوگی۔ دریں اثنا، خبریں سامنے آ رہی ہیں کہ ارجن تینڈولکر آئی پی ایل ۲۰۲۶ء کے لیے ممبئی انڈینس چھوڑ سکتے ہیں۔

سچن تینڈولکر کے بیٹے ارجن تینڈولکر کے حوالے سے بڑی خبر سامنے آئی ہے۔ وہ آئی پی ایل ۲۰۲۶ء کے لیے ممبئی انڈینس کو چھوڑ سکتے ہیں۔ پچھلی میگا نیلامی میں، ممبئی انڈینس نے ارجن تینڈولکر کو ان کی بنیادی قیمت پر اپنی ٹیم میں شامل کیا تھا تاہم، ارجن تینڈولکر نے ۲۰۲۵ء میں ایک بھی میچ نہیں کھیلا۔ تمام فرنچائزیز کو ۱۵؍نومبر تک اپنے کھلاڑیوں کو برقرار رکھنے کی فہرست بی سی سی آئی کو جمع کروانا ہوگی۔ اس کے بعد آئی پی ایل۲۰۲۶ء کی منی نیلامی دسمبر میں ہوگی۔
 کرک بز کی رپورٹ کے مطابق لکھنؤ سپر جائنٹس (ایل ایس جی) اور ممبئی انڈینس (ایم آئی) کے درمیان شاردُل ٹھاکر اور ارجن تینڈولکر کے حوالے سے بات چیت جاری ہے۔دونوں ٹیموں کے درمیان بات چیت جاری ہے۔رپورٹ میں یہ بھی کہا گیا ہے کہ دونوں فرنچائزیز کے درمیان شاردُل ٹھاکر اور ارجن تینڈولکر کے حوالے سے بات چیت جاری ہے۔ یہ ایک ہی تجارت نہیں بلکہ دو الگ الگ سودے ہو سکتے ہیں۔ یہ سودے مکمل طور پر نقد لین دین ہوسکتے ہیں۔ ۱۵؍ نومبر کو ریٹینشن لسٹ جمع کروانے کی آخری تاریخ سے پہلے باضابطہ اعلان کیے جانے کا امکان ہے۔
شاردُل ٹھاکر ایل ایس جی سے ممبئی انڈینس کی ٹیم میں شامل ہوئے
لکھنؤ سپر جائنٹس  (ایل ایس جی)کے آل راؤنڈر شاردُل ٹھاکر اب ممبئی انڈینس کی نمائندگی  کرتے نظر آئیں گے۔ ممبئی کے اس آل راؤنڈر کو لکھنؤ سپر جائنٹس نے لیگ کے۱۸؍ویں ایڈیشن کے لیے چوٹ لگنے والے کھلاڑی کے طور پر۲؍ کروڑ روپے میں منتخب کیا تھا، جہاں انہوں نے ۱۰؍ میچ کھیلے تھے۔ شاردُل نے جن بھی فرنچائز کی نمائندگی کی، وہ ہمیشہ مفید کھلاڑی ثابت ہوئے اور کئی بار شاندار کارکردگی دکھائی۔
اس آل راؤنڈر کو ان کی موجودہ پلیئر فیس ۲؍ کروڑ روپے پر ممبئی انڈینس میں ٹریڈ کیا گیا ہے۔ یہ ان کے آئی پی ایل کریئر کا تیسرا ٹرانسفر ہے۔ ۲۰۱۷ء میں رائزنگ پونے سپر جائنٹس نے انہیں کنگز ایکس آئی پنجاب (جو اب پنجاب کنگز ہے) سے حاصل کیا تھا۔ اس کے بعد ۲۰۲۳ ءکے سیزن سے پہلے کولکاتا نائٹ رائیڈرس نے انہیں دہلی کیپٹلس سے اپنے ساتھ شامل کیا۔ قابل ذکر بات یہ ہے کہ دونوں بار یہ کاروبار مکمل طور پر کیش ڈیل پر مبنی تھا۔

یہ بھی پڑھئے:محمد سمیع کے شاندار فارم نے آئی پی ایل ٹیموں کی دلچسپی بڑھائی

ٹھاکر ۲۰۲۵ء کے میگا آکشن میں غیر فروخت ہوئے تھے اور کاؤنٹی چیمپئن شپ میں ایسیکس سے جڑنے والے تھے، لیکن ایل ایس جی نے انہیں محسن خان کے متبادل کے طور پر ان کے بیس پرائس ۲؍کروڑ روپے میں منتخب کیا تھا۔ اس وقت ایل ایس جی کے مینٹور ظہیر خان کا یہ فیصلہ ایک اچھی سرمایہ کاری ثابت ہوا۔۔ شاردُل نے آئی پی ایل ۲۰۲۵ء کے ابتدائی دو میچز میں ۶؍ وکٹ  حاصل کئے تھے۔ تاہم اس کے بعد ان کی کارکردگی کچھ خاص نہیں رہی اور انہوں نے کل دس میچز میں ۱۳؍ وکٹ حاصل کئے۔