لالیگا کے میڈرڈ ڈربی میچ میں ایٹلیٹیکو نے اپنے گھریلو میدان پر ۱۔۳؍ گول سے کامیابی حاصل کی۔

لالیگا میں ہونے والے میڈرڈ ڈربی میچ میں ایٹلیٹیکو میڈرڈ فٹبال کلب نے ریئل میڈرڈ کو ۱۔۳؍گول سے شکست دےدی۔ یہ سنسنی خیز میچ میٹرو پولیٹانو اسٹیڈیم میں ہوا اور اس نے ثابت کر دیا کہ ایٹلیٹیکو کی ٹیم لا لیگا کی بہترین ٹیموں میں سے ایک ہے۔ اس شکست کے بعد ریئل کی ٹیم نے اپنی ٹاپ پوزیشن گنوا دی ہے اور وہ اب تیسرے نمبرپر ہے۔ بارسلونا نے ٹاپ پوزیشن حاصل کرلی ہے۔ 
 کھیل کا آغازجارحانہ انداز میں ہوا اور الوارو موراتا نے صرف ۴؍ منٹ میں فاتح کلب کی جانب سے گول کر دیا۔ انہوں نے اونچی چھلانگ لگائی اور گیند کو گول میں ڈال دیا۔ اس کے ساتھ ہی ایٹلیٹیکو میڈرڈ فٹبال کلب نے برتری حاصل کر لی۔ میزبان کلب یہیں نہیں رکا۔۱۸؍ویں منٹ میں انٹوئن گریزمین نے ایک اور گول کرکے برتری کو دُگنا کردیا۔ ساؤل نگوئیز کے ایک درست پاس نے انہیں اسکور کرنے میں مدد کی اور ایٹلیٹیکو کے ۲؍ گول ہوگئے تھے۔ ریئل میڈرڈفٹبال کلب کو ایک گول کرنے میں کامیابی ملی۔ ٹونی کروز نے۳۵؍ ویں منٹ میں گیند کو فاصلے سے زوردار کک لگائی اور اپنی ٹیم کیلئے پہلا گول کیا۔ 
ایٹلیٹیکو میڈرڈ نے حملے جاری رکھے۔ موراتا نے دوسرے ہاف کے آغاز میں ایک بار پھر گول کیا۔ اس بار ساؤل نے ایک بہترین پاس دیا اور موراتا نے گیند کو گول میں ڈال دیا۔ اس جیت اور ایک اور گیم کھیلنے کے ساتھ ایٹلیٹیکو ۱۰؍ پوائنٹس کے ساتھ لالیگا کے ٹیبل پر پانچویں نمبر پر آگیا۔ ریئل میڈرڈ جو پہلے نمبر پر تھا،۱۵؍ پوائنٹس کے ساتھ تیسرے نمبر پر چلا گیاہے ۔ وہ اب بارسلونا اور ویرونا سے پیچھے تھے۔ بارسلونا اور ریئل میڈرڈ کے درمیان صرف ایک پوائنٹ کا فرق ہے۔ فاتح کلب نے اپنے کوچ ڈیاگو سیمونی کی قیادت میں پورے کھیل پر کنٹرول کیا۔ آخر میں انہوں نے گیند کو اعتماد سے پاس کیا اور ان کے پرجوش مداحوں نے زور سے داد دی۔ الوارو موراتا کے ابتدائی گول کے علاوہ جوز ماریا جمنیز نے۱۰؍ویں منٹ میں ایک اچھا موقع گنوا دیا جب انہوں نے ایک کارنر سے بہت اونچی گیند کو ہیڈ کیا۔ بعد میں گول کرنے والے گریزمین نے انہیں ایک بہترین پاس دیا۔