جوش ہیزل ووڈ (۳؍ وکٹ)، زیویر بارٹلیٹ اور نیتھن ایلس (۲۔۲؍ وکٹ) کی شاندار گیندبازی کے بعد کپتان مچل مارش (۴۶؍رن) اور ٹریوس ہیڈ (۲۸؍رن) کی جارحانہ بلے بازی کی بدولت آسٹریلیا نے جمعہ کو دوسرے ٹی۲۰؍میچ میں ہندوستان کو ۴۰؍ گیندیں باقی رہتے ہوئے ۴؍ وکٹوں سے شکست دے دی۔

جوش ہیزل ووڈ (۳؍ وکٹ)، زیویر بارٹلیٹ اور نیتھن ایلس (۲۔۲؍ وکٹ) کی شاندار گیندبازی کے بعد کپتان مچل مارش (۴۶؍رن) اور ٹریوس ہیڈ (۲۸؍رن) کی جارحانہ بلے بازی کی بدولت آسٹریلیا نے جمعہ کو دوسرے ٹی۲۰؍میچ میں ہندوستان کو ۴۰؍ گیندیں باقی رہتے ہوئے ۴؍ وکٹوں سے شکست دے دی۔ اسی کے ساتھ آسٹریلیا نے ۵؍ میچوں کی سیریز میں۰۔۱؍ کی برتری حاصل کر لی۔

Australia win the second T20I by 4 wickets.#TeamIndia will look to bounce back in the next match.

Scorecard ▶ https://t.co/7LOFHGtfXe#AUSvIND pic.twitter.com/rVsd9Md9qh

— BCCI (@BCCI) October 31, 2025

۱۲۶؍ رنز کے ہدف کا تعاقب کرتے ہوئے آسٹریلیا کے کپتان مچل مارش اور ٹریوس ہیڈ نے عمدہ شروعات  کرتے ہوئے پہلے وکٹ کے لیے ۵۱؍رنز جوڑے۔ پانچویں اوور میں ورون چکرورتی نے ٹریوس ہیڈ کو آؤٹ کر کے ہندوستان کو پہلی کامیابی دلائی۔ ٹریوس ہیڈ نے۱۵؍ گیندوں پر تین چوکے اور ایک چھکا لگا کر۲۸؍ رنز بنائے۔ اس کے بعد آٹھویں اوور میں کلدیپ یادو نے مچل مارش کو پویلین بھیج دیا۔ مارش نے ۲۶؍ گیندوں پر دو چوکے اور چار چھکے لگاتے ہوئے ۴۶؍ رنز بنائے۔
ٹم ڈیوڈ (ایک) کو ورون چکرورتی نے جبکہ جوش انگلس (۲۰) کو کلدیپ یادو نے آؤٹ کیا۔ جیت سے صرف دو رنز دور آسٹریلیا کو جسپریت بمراہ نے مچل اووین (۱۴؍رن) اور اگلی ہی گیند پر میتھیو شارٹ (صفر) کو آؤٹ کر کے کچھ وقت کے لئے ہندوستانی کیمپ میں جوش پیدا کردیا  لیکن۱۴؍ویں اوور کی دوسری گیند پر مارکس اسٹوئنس نے دو رنز لے کر اسکور ۶؍ وکٹ پر ۱۲۶؍رن  تک پہنچایا اور میچ آسٹریلیا کے نام کر دیا۔ مارکس اسٹوئنس ۶؍ رنز بنا کر ناٹ آؤٹ رہے۔ جوش ہیزل ووڈ کو ان کی شاندار گیندبازی کے لیے پلیئر آف دی میچ  قرار دیا گیا۔ ہندوستان کی جانب سے کلدیپ یادو، جسپریت بمراہ اور ورون چکرورتی نے دو، دو وکٹ حاصل کیے۔
اس سے قبل آسٹریلیا کے کپتان مچل مارش نے ٹاس جیت کر پہلے گیندبازی کا فیصلہ کیا۔ ہندوستان کی شروعات مایوس کن رہی اور تیسرا اوور مکمل ہونے سے پہلے ہی ۲۰؍رن  کے اسکور پر شبھ من گل (۵) کا وکٹ گنوا دیا۔ انہیں جوش ہیزل ووڈ نے مچل مارش کے ہاتھوں کیچ آؤٹ کروایا۔ اگلے ہی اوور میں نیتھن ایلس نے سنجو سیمسن (۲) کو ایل بی ڈبلیو آؤٹ کر دیا۔ پانچویں اوور میں ہیزل ووڈ نے تیسری گیند پر کپتان سوریہ کمار یادو (ایک) اور پانچویں گیند پر تِلک ورما (صفر) کو آؤٹ کر کے ہندوستان کو مشکل میں ڈال دیا۔اکشر پٹیل نے ابھیشیک شرما کے ساتھ اننگز کو سنبھالنے کی کوشش کی، مگر آٹھویں اوور میں وہ رن آؤٹ ہو گئے۔ انہوں نے ۷؍ رنز بنائے۔ ایسے نازک موقع پر ہرشیت رانا میدان میں اترے اور ابھیشیک شرما کے ساتھ اننگز کو سنبھالا۔ ابھیشیک شرما نے ۲۳؍ گیندوں پر سات چوکے اور ایک چھکا لگا کر نصف سنچری مکمل کی۔ دونوں کے درمیان چھٹے وکٹ کے لیے ۵۶؍ رن کی شراکت ہوئی۔

یہ بھی پڑھئے:غیر تسلیم شدہ ٹیسٹ:جنوبی افریقہ اے کو ۱۰۵؍ رن کی برتری

۱۶؍ویں اوور کی دوسری گیند پر ہرشیت رانا کیچ آؤٹ ہوئے۔ انہوں نے۳۳؍ گیندوں پر تین چوکے اور ایک چھکے کی مدد سے۳۳؍  رنز بنائے۔ اسی اوور میں زیویر بارٹلیٹ نے شِیوم  دوبے (۴) کو بھی آؤٹ کیا۔ ہندوستان کا آٹھواں وکٹ ۱۷؍ویں اوور میں کلدیپ یادو (صفر) کے طور پر گرا، جنہیں مارکس اسٹوئنس نے آؤٹ کیا۔۱۹؍ویں اوور کی تیسری گیند پر نیتھن ایلس نے ابھیشیک شرما کو ایل بی ڈبلیو کر کے ہندوستان کی امیدوں کو جھٹکا دیا۔ ابھیشیک نے ۳۷؍ گیندوں پر سات چوکے اور دو چھکے لگا کر ۶۸؍ رنز کی شاندار اننگز کھیلی۔ اسی اوور میں ایلس نے جسپریت بمراہ (صفر) کو رن آؤٹ کر کے ٹیم انڈیا کی اننگز ۱۲۵؍ رنز پر سمیٹ دی۔ ہندوستان کے ۹؍ میں سے کوئی بھی بلے باز دُہرے ہندسے تک نہیں پہنچ سکا۔ آسٹریلیا کی جانب سے جوش ہیزل ووڈ نے تین وکٹیں حاصل کیں، زیویر بارٹلیٹ اور نیتھن ایلس نے دو، دو جبکہ مارکس اسٹوئنس نے ایک کھلاڑی کو آؤٹ کیا۔