دنیا بھر میں ۳۱۰۰؍ کروڑ روپے سے آگے ۔اوتار: فائر اینڈ ایش نے عالمی باکس آفس پر دھوم مچا دی ہے۔ اس نے اپنے پہلے ویک اینڈ میں باکس آفس پر ۱۱؍ نئے ریکارڈ قائم کیے ہیں۔ مزید یہ کہ فلم نے صرف ۳؍ دنوں میں۳۱۰۰؍ کروڑ روپے کما لیے ہیں۔

اوتار: فائر اینڈ ایش  بھلے ہی ہندوستان میں ’’دُھرندھر‘‘ کو پیچھے نہ چھوڑ سکے لیکن اس نے دنیا بھر میں سنسنی پیدا کر دی ہے۔ صرف تین دنوں میں، فلم نے اپنے پہلے ویک اینڈ میں دنیا بھر میں ۳۱۰۰؍ کروڑ کا کاروبار کیا ہے۔ دلچسپ بات یہ ہے کہ فلم کا بجٹ ۴۰۰+ ملین ڈالر، یا تقریباً۳۶۰۰؍کروڑ ہے۔ یہی نہیں بلکہ ’’اوتار۳‘‘ نے عالمی باکس آفس پر صرف تین دنوں میں کمائی کے۱۱؍نئے ریکارڈ بھی بنائے ہیں۔ آئیے جانتے ہیں کہ اوتار: فائر اینڈ ایش  نے اپنے پہلے ویک اینڈ میں کہاں کمایا، کتنی کمائی، اور باکس آفس پر اس نے کون سے ۱۱؍نئے ریکارڈ قائم کیے ہیں۔ 

یہ بھی پڑھئے:مچل اسٹارک کا آئی سی سی سے ٹیکنالوجی کا کنٹرول سنبھالنے کا مطالبہ

اوتار  فرنچائز اپنے شاندار  وی ایف ایکس گرافکس کے لیے مشہور ہے۔ پنڈورا اور دی ناوی کی کہانی بیان کرنے والی یہ فلم سیریز بھی اپنے رن ٹائم کے لیے خبروں میں ہے۔ یہ جاننا بھی ضروری ہے کہ ہدایت کار جیمس کیمرون دنیا بھر میں اب تک کی سب سے زیادہ کمائی کرنے والی فلموں کی فہرست میں نمبر  وَن ، نمبر ۳؍ اور نمبر۴؍ پر ہیں۔ ان کی ۲۰۰۹ءکی فلم ’’اوتار‘‘ نے ۲۳؍ہزار کروڑ سے زیادہ کی کمائی کی، ۲۰۲۲ء کی اوتار   نے۱۹؍ہزارکروڑ اور۱۹۹۷ء کی  ٹائٹنک  نے۱۸؍ہزار کروڑ سے زیادہ کی کمائی کی۔  اس فہرست میں نمبر  ۲پر  اوینچرس اینڈ گیم   جس نے ۱۹۹۷۰؍ کروڑ روپے کمائے۔

یہ بھی پڑھئے:بارسلونا کی فتوحات کا سلسلہ برقرار، ویاریال کو ہرایا ، پوائنٹس ٹیبل پر ٹاپ پوزیشن مستحکم

’’اوتار۳‘‘دنیا بھر میں مجموعہ 
ڈیڈ لائن کی رپورٹ کے مطابق’’اوتار: فائر اینڈ ایشز‘‘ نے اپنے ابتدائی ویک اینڈ میں دنیا بھر میں ۳۴۵؍ملین ڈالرس کمائے۔ یہ ہندوستانی روپوں میں تقریباً ۳۱؍ بلین ہے۔ یہ جیمز کیمرون کا اب تک کا دوسرا سب سے بڑا عالمی افتتاح ہے۔ اس سے پہلے، اس کے ’’اوتار: دی وے آف واٹر‘‘ نے اپنے ابتدائی ویک اینڈ میں تاریخی ۴۴۱؍ملین ڈالرس کمائے تھے۔’’ اوتار: فائر اینڈ ایش‘‘ انڈین باکس آفس کلیکشن’’اوتار۳‘‘  نے ہندوستان میں زبردست اوپننگ کی ہے۔