مہدی حسن معراج (پانچ وکٹ) اور حسن محمود (تین وکٹ) کی بہترین گیند بازی کی بدولت بنگلہ دیش نے آسٹریلیا کو پہلے ٹیسٹ میچ کے چوتھے دن اتوار کو نو وکٹ سے ہرا کر تاریخی جیت درج کی۔ اسی کے ساتھ بنگلہ دیش نے دو میچوں کی سیریز میں ۰۔۱؍ سے برتری حاصل کر لی ہے۔

مہدی حسن معراج (پانچ وکٹ) اور حسن محمود (تین وکٹ) کی بہترین گیند بازی کی بدولت بنگلہ دیش نے آسٹریلیا کو پہلے ٹیسٹ میچ کے چوتھے دن اتوار کو نو وکٹ سے ہرا کر تاریخی جیت درج کی۔ اسی کے ساتھ بنگلہ دیش نے دو میچوں کی سیریز میں ۰۔۱؍ سے برتری حاصل کر لی ہے۔ یہ آسٹریلیا کی سرزمین پر بنگلہ دیش کی پہلی ٹیسٹ جیت ہے۔ بنگلہ دیش نے ٹیسٹ میں دوسری بار آسٹریلیا کو ہرانے کا کارنامہ انجام دیا ہے۔

یہ بھی پڑھئے:سوئے ہوئے قطبی ریچھ کو فوگ ہارن بجا کر جگانا مہنگا پڑا، ۵؍ ہزار ڈالرکا جرمانہ

آسٹریلیا نے چار وکٹ پر ۱۶۱؍ رن سے آگے کھیلنا شروع کیا۔ اتوار کی صبح کے سیشن میں مہدی حسن معراج نے ایلکس کیری (۳۰؍رن) کو آؤٹ کرکے بنگلہ دیش کو پانچویں کامیابی دلائی۔ اس کے بعد آئے بلے باز تھوڑی جدوجہد کے بعد اپنے اپنے وکٹ گنواتے رہے۔ تاہم اس دوران کیمرون گرین نے ایک سرا سنبھالے رکھا اور رن بناتے رہے۔ اس دوران انہوں نے اپنی سنچری مکمل کی۔ بو ویبسٹر ۵، کپتان پیٹ کمنز  ۸ ، مچل اسٹارک۱۸؍ رن بناکر آؤٹ ہوئے۔ ۹۳؍ ویں اوور میں معراج نے سنچری بنا چکے کیمرون گرین کو آؤٹ کیا۔ کیمرون گرین نے ۲۰۱؍ گیندوں پر چار چوکے اور ایک چھکا لگاتے ہوئے ۱۰۴؍ رن کی اننگز کھیلی۔ اس کے بعد ۹۶؍ویں اوور میں میراز نے ناتھن لاین (۱۵؍رن) کو ایل بی ڈبلیو آؤٹ کرکے آسٹریلیا کی دوسری اننگز کا۲۸۴؍ رن کے اسکور پر خاتمہ کر دیا۔

Bangladesh stun Australia to register landmark first Test victory Down Under 👏#WTC27 📝: https://t.co/gIQtdBGVou pic.twitter.com/xQdTVZchm6

— ICC (@ICC) August 16, 2026

بنگلہ دیش کو جیت کے لیے ۵۷؍ رن کا ہدف ملا۔ دوسری اننگز میں بلے بازی کے لیے اتری بنگلہ دیش نے  ۲ء۱۴؍ اوور میں ایک وکٹ گنوا کر ۵۷؍ رن کا ہدف حاصل کر لیا۔ واحد آؤٹ ہونے والے بلے باز تنزید حسن (صفر) رہے۔ انہیں جوش ہیزل ووڈ نے بولڈ آؤٹ کیا۔ شادمان اسلام ۲۵؍رن اور مومن الحق  ۳۰؍ رن بناکر ناٹ آؤٹ رہے۔ بنگلہ دیش کی جانب سے مہدی حسن معراج نے پانچ وکٹ لیے۔ وہیں حسن محمود نے دونوں اننگز میں مجموعی طور پر نو وکٹ لیے اور انہیں `پلیئر آف دی میچ  کے ایوارڈ سے نوازا گیا۔

یہ بھی پڑھئے:رحمان: انڈین ایئر فورس میں پائلٹ کی نوکری چھوڑ کر فلم انڈسٹری میں آئے تھے

یہ جیت بنگلہ دیش کے لیے ایک بہت بڑا لمحہ ہے، خاص طور پر ایسے سال میں جب اس نے سیاسی وجوہات سے ٹی۲۰؍ ورلڈ کپ میں حصہ نہیں لیا تھا۔ تاہم، مارچ کے بعد سے اس نے کافی جیت حاصل کی ہیں اور یہ بڑی ٹیسٹ جیت اسی کا نتیجہ ہے۔ میچ میں حسن محمود کے نو وکٹ اور تنزید حسن کی پہلی سنچری کے ساتھ ساتھ مہدی حسن معراج کی نصف سنچری اور پانچ وکٹ لینے کا کارنامہ بھی دیکھنے کو ملا۔ کپتان نجم الحسن شانتو نے بلے سے اور کپتان کے طور پر بھی شاندار کارکردگی کا مظاہرہ کیا۔ اس جیت کو اتنا ناقابل یقین بنانے والی بات اس میچ سے پہلے بنگلہ دیش کی فارم تھی۔ اس سے ٹھیک ایک ہفتے پہلے کرکٹ آسٹریلیا الیون کے خلاف پریکٹس میچ میں وہ ۵۴؍ رن پر آل آؤٹ ہو گئے تھے اور ٹیسٹ سیریز میں زخمی ناہید رانا کی کمی پر بہت بحث ہو رہی تھی۔ اس کے باوجود، بنگلہ دیش کے گیند بازوں نے آسٹریلیا کو دونوں اننگز میں ۳۰۰؍ رن سے کم پر آل آؤٹ کر دیا، جبکہ ان کی کمزور بلے بازی لائن اپ ٹیسٹ میں مضبوطی سے ڈٹی رہی۔