اکشے کمار اور پریادرشن کی آنے والی ہارر کامیڈی ’’بھوت بنگلہ‘‘ کی نئی ریلیز تاریخ طے ہو گئی ہے۔ فلمساز وں نے ہفتے کو اعلان کیا کہ فلم پہلے سے طے شدہ تاریخ سے پہلے ریلیز ہوگی۔

اکشے کمار نے اپنے آنے والی ہارر کامیڈی ’’بھوت بنگلہ‘‘ کی ریلیز کی نئی تاریخ کے ساتھ مداحوں کو حیران کر دیا ہے۔ فلم پہلے ۱۵؍ مئی۲۰۲۶ ءکو ریلیز ہونے والی تھی، لیکن اب یہ ایک ماہ پہلے سنیما گھروں میں دکھائی جائے گی، جیسا کہ فلمسازوں نے ہفتے کو تصدیق کی۔
ریلیز کی نئی تاریخ
ریلیز کی نئی تاریخ  جو۱۰؍ اپریل ہے، سوشل میڈیا پوسٹ کے ذریعے ایک دلچسپ ویڈیو کے ساتھ ظاہر کی گئی۔ بالاجی موشن پکچرز کی جانب سے شیئر کی گئی کلپ میں ایک کالی بلی۱۵؍ مئی کو کیلنڈر سے مٹاتے ہوئے اور پھر ۱۰؍ اپریل پر گرے ہوئے  دودھ کو چمکاتے ہوئے دکھائی گئی۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Akshay Kumar (@akshaykumar)

اکشے کمار نے بھی انسٹاگرام پر یہ اپ ڈیٹ شیئر کی۔ انہوں نے لکھا’’ بھوت بنگلہ‘‘ کا کاؤنٹ ڈاؤن ری وائنڈ! ۱۵؍ مئی × ۱۰؍ اپریل۔ تھیٹروں میں ملاقات ہوگی۔ اس اعلان کے ساتھ، یہ فلم کی ریلیز شیڈول میں دوسرا تبدیلی ہے۔ ’’بھوت بنگلہ‘‘ کو ابتدائی طور پر ۲؍اپریل کو ریلیز کرنے کا فیصلہ کیا گیا تھا، پھر اسے ۱۵؍مئی تک موخر کیا گیا اور اب اسے ۱۰؍ اپریل کو ریلیز کرنے کا فیصلہ کیا گیا ہے۔ ریلیز تاریخ میں تبدیلی کے بارے میں فلمسازوں نے کہا کہ یہ فیصلہ زیادہ سازگار تھیٹر ونڈو کا فائدہ اٹھانے اور باکس آفس ٹکراؤ سے بچنے کے لیے کیا گیا ہے۔

یہ بھی پڑھئے:’’میرے ڈھولنا ۳‘‘ کیلئے اداکار کی ٹیم اریجیت سنگھ کو سائن کرنا چاہتی تھی

’’بھوت بنگلہ ‘‘کے بارے میں
’’بھوت بنگلہ‘‘ کے ہدایت کار پریادرشن ہیں اور یہ اکشے کمار کے ساتھ ان کے۱۴؍ سال بعد دوبارہ تعاون کی نشاندہی کرتا ہے۔ اس جوڑی نے پہلے بھی ہٹ کامیڈی فلموں جیسے ’’ہیرا پھیری‘‘، ’’گرم مصالحہ‘‘،’’ بھاگم بھاگ‘‘ اور’’ بھول بھلیاں‘‘ میں کام کیا ہے۔ یہ ہارر کامیڈی اکشے کمار اورتبو کو تقریباً ۲۵؍ سال بعد اسکرین پر دوبارہ ایک ساتھ لارہی  ہے۔ انہوں نے آخری بار فلموں جیسے’’ہیرا پھیری’’ اور’’ تو چور میں سپاہی‘‘ میں ساتھ کام کیا تھا۔ ’’بھوت بنگلہ’’ کے کاسٹ میں پریش راول، راج پال یادو، وامیقا گبی، جسو سین گپتا اور آنجہانی اداکار اسرانی بھی شامل ہیں۔

یہ بھی پڑھئے:ناسا کے خلا بازوں کو چاند کی مہم پر جدید ترین اسمارٹ فون لے جانے کی اجازت ہوگی

فلم بالاجی موشن پکچرز کی پیشکش میں ہے، اکشے کمار کی کیپ آف گڈ فلمز کے تعاون سے ہے  اور اسے  شوبھا کپور، ایکتا ر کپور، اور اکشے کمار نے پروڈیوس کیا ہے، جبکہ شریک پروڈیوسر فرح شیخ اور ویدانت بالی ہیں۔ فلم کے مصنف آکاش اے کوشک ہیں۔ بھوت بنگلہ ۱۰؍ اپریل ۲۰۲۶ء کو ریلیز ہوگی۔