میدان سے باہر کی ان کشیدگیوں نے ہندوستان اور پاکستان کے میچوں کی طرف بھی کافی توجہ مبذول کروائی ہے اور براڈکاسٹرس نے گزشتہ برسوں میں اس سے فائدہ اٹھایا ہے۔

ایشیا کپ۹؍ ستمبر ۲۰۲۵ءسے شروع ہونے جا رہا ہے اور ہمیشہ کی طرح اس ٹورنامنٹ کا سب سے زیادہ انتظار ہندوستان اور پاکستان کے درمیان ہوگا۔ دونوں ممالک کے درمیان کشیدگی کی ایک طویل تاریخ ہے اور حال ہی میں پہلگام میں دہشت گردانہ حملے کے بعد اس میں اضافہ ہوا ہے۔ ہندوستان کو پاکستان کے ساتھ میچوں کا بائیکاٹ کرنے کا مطالبہ کیا گیا تھا لیکن اب یہ تقریباً ناممکن نظر آتا ہے۔ میدان سے باہر کی ان کشیدگیوں نے  ہندوستان اور پاکستان کے  میچوں کی طرف بھی کافی توجہ مبذول کروائی ہے اور براڈکاسٹرس نے گزشتہ برسوں میں اس سے فائدہ اٹھایا ہے۔
ایک رپورٹ کے مطابق سونی پکچرز نیٹ ورکس انڈیا نے ہندوستان  کے ایشیا کپ کے میچوں کے دوران اشتہارات کے لیے۱۴؍ سے۱۶؍ لاکھ روپے کی بھاری قیمت مقرر کی ہے۔ اس میں ہندوستان اور پاکستان کے درمیان ایک ہائی پروفائل میچ بھی شامل ہے۔ سونی پکچرز نیٹ ورکس انڈیا نے۲۰۳۱ء تک ایشیا کپ کے میڈیا حقوق۱۷۰؍ ملین ڈالرس میں حاصل کر لیے ہیں۔ لہٰذا، ٹورنامنٹ سونی اسپورٹس نیٹ ورک پر نشر کیا جائے گا اور سونی لائیو پر نشر کیا جائے گا۔

یہ بھی پڑھیئے:ایشیا کپ:بابراوررضوان ٹیم سے باہر

 نوین کھیمکا، صدر، کلائنٹ سالیوشنز، ڈبلیو پی پی میڈیا، کا حوالہ دیتے ہوئے اکنامک ٹائمز نے کہا کہ ’’ `ایشیا کپ کی اچھی مانگ ہوگی کیونکہ یہ پری فیسٹیو سیزن میں منعقد ہوتا ہے اور ہندوستان اور پاکستان کا میچ کافی پرکشش ہوتا ہے۔ اس سال دیوالی جلد آنے والی ہے، اس لیے ستمبر میں اشتہاری سرگرمیاں شروع ہو جائیں گی۔ 
 ایشیا کپ۲۰۲۵ء میں ۸؍ ٹیمیں آمنے سامنے ہوں گی۔ ٹیموں کو دو گروپس میں تقسیم کیا گیا ہے۔ اگر ہندوستان اور پاکستان فائنل کے لیے کوالیفائی کرتے ہیں تو وہ ٹورنامنٹ میں ۳؍ بار آمنے سامنے آ سکتے ہیں۔ روایتی حریف ہندوستان اور پاکستان کے درمیان گروپ مرحلے کا  مقابلہ ۱۴؍ ستمبر کو ہوگا جب کہ ٹورنامنٹ کا آغاز افغانستان اور ہانگ کانگ کے درمیان میچ سے ہوگا۔