بی سی سی آئی نے انسٹاپر پوسٹ لکھا : ٹیسٹ کرکٹ میں ایک دور کا خاتمہ لیکن ان کی میراث ہمیشہ زندہ رہے گی۔

وراٹ کوہلی کے ٹیسٹ کرکٹ سے ریٹائرمنٹ کو `ایک دور کا خاتمہ قرار دیتے ہوئے، کرکٹ برادری نے عظیم بلے باز کی تعریف کی ہے۔۳۶؍ سالہ کوہلی نے۱۲۳؍ میچوں میں ۴۶ء۸۵؍  کے اوسط سے۳۰؍ سنچریوں  کے ساتھ ۹۲۳۰؍ رن بنانے کے بعد ٹیسٹ کرکٹ سے ریٹائرمنٹ لے لیا۔ وہ پہلے ہی ٹی ۲۰؍ کرکٹ سے ریٹائرڈ ہو چکے ہیں۔
 بی سی سی آئی نے انسٹاگرام پر ایک پوسٹ میں لکھا کہ ’’ٹیسٹ کرکٹ میں ایک دور کا خاتمہ لیکن ان کی میراث ہمیشہ زندہ رہے گی۔ ہندوستانی ٹیم کے سابق کپتان وراٹ کوہلی نے ٹیسٹ کرکٹ کو الوداع کہہ دیا۔ ان کی خدمات کو ہمیشہ یاد رکھا جائے گا۔‘‘
 آئی سی سی نے کہاکہ ’’ ہندوستان کے عظیم ترین ٹیسٹ کرکٹرس میں سے ایک وراٹ کوہلی نے روایتی فارمیٹ سے ریٹائرمنٹ لے لی ہے۔ سفید جرسی نہیں پہنیں گے لیکن تاج برقرار رہے گا۔ وراٹ کوہلی اپنے پیچھے ایک لاجواب وراثت چھوڑ کر چلے گئے۔
 آئی سی سی کے چیئرمین جے شاہ نے کہا کہ ’’وراٹ کوہلی کو شاندار ٹیسٹ کریئر پر مبارکباد۔ ایک ایسے وقت میں جب ٹی ۲۰؍ کرکٹ عروج پر ہے روایتی فارمیٹ کی مقبولیت کو برقرار رکھنے اور نظم و ضبط، فٹنیس اور عزم کی ایک غیر معمولی مثال قائم کرنے کیلئے  آپ کا شکریہ۔ 
  کوہلی کی آئی پی ایل ٹیم رائل چیلنجرز بنگلور نے کہا کہ وہ ٹیسٹ فارمیٹ میں سابق کپتان اور اپنے اسٹار کھلاڑی کی کمی محسوس کریں گے۔ اس نے کہا کہ  `ان کی حکمت عملی، ان کے شاٹس، ان کے تاثرات، ان کا جشن منانے کا طریقہ۔ ہم سبھی کو یاد کروں گا۔  انہوں نے کہاکہ  `ایک عظیم ٹیسٹ دور کا خاتمہ لیکن ان کی وراثت ہمیشہ کیلئے  زندہ رہے گی، اس ہمت، جارحیت اور بے مثال جذبے کیلئے آپ نے نہ صرف ٹیسٹ کرکٹ کھیلا بلکہ اسے بہتر بھی کیا۔
 ان کے سابق ساتھی کرکٹر اجنکیا رہانے نے لکھاکہ ’’ `آپ کے ساتھ کھیلنے کا سفر خاص تھا۔ بہت ساری اچھی یادیں اور شراکتیں۔ شاندار ٹیسٹ کریئر پر مبارکباد۔ سابق فاسٹ بولر عرفان پٹھان نے لکھا کہ  وراٹ کوہلی کو بہترین ٹیسٹ کریئر پر مبارکباد۔ بحیثیت کپتان آپ نے نہ صرف میچ جیتے بلکہ ذہنیت بھی بدلی۔ آپ نے فٹنیس، جارحیت اور ٹیسٹ کرکٹ کھیلنے کے فخر کو نئی بلندیوں تک پہنچایا۔‘‘