کرسٹیانو رونالڈو کی فٹبال کے میدان میں شہرت کے ساتھ سوشل میڈیا پر بھی تجارتی طاقت بے مثال ہے۔ حالیہ رپورٹس کے مطابق وہ انسٹاگرام پر ایک اسپانسرڈ پوسٹ کے عوض تقریباً ۳ء۳؍ ملین یورو(تقریباً۳۶؍ کروڑ ۵۷؍ لاکھ۹۵؍ ہزار روپے) وصول کرتے ہیں، جو انہیں دنیا کی سب سے زیادہ معاوضہ لینے والی شخصیات میں شامل کرتا ہے۔

پرتگال کے اسٹار فٹبالر کرسٹیانو رونالڈو مبینہ طور پر انسٹاگرام پر سب سے زیادہ معاوضہ لینے والی شخصیات میں سرفہرست ہیں۔ رپورٹس کے مطابق موجودہ عہد کے عظیم ترین فٹبالرز میں شامل کرسٹیانو رونالڈو ایک اسپانسرڈ پوسٹ کے عوض تقریباً ۳ء۳؍ ملین یورو(تقریباً۳۶؍ کروڑ ۵۷؍ لاکھ۹۵؍ ہزار روپے) وصول کرتے ہیں۔ رونالڈو کی غیر معمولی کمائی اس بات کا ثبوت ہے کہ ان کا برانڈ صرف فٹبال تک محدود نہیں بلکہ سوشل میڈیا پر بھی ان کی بے پناہ تجارتی طاقت ہے۔ کروڑوں فالوورز کے باعث ان کی ایک پوسٹ دنیا بھر میں انتہائی بڑی تعداد تک براہ راست پہنچ سکتی ہے۔

🚨 𝗗𝗜𝗗 𝗬𝗢𝗨 𝗞𝗡𝗢𝗪: Cristiano Ronaldo now earns around €3.3M per post on IG.

The highest paid celebrity on IG. 💸 pic.twitter.com/vhgWpkYQms

— The Touchline | 𝐓 (@TouchlineX) September 11, 2026

رونالڈو انسٹاگرام کو اپنے کاروباری مفادات، برانڈ پارٹنرشپس، کھیلوں اور طرز زندگی سے متعلق مواد کی تشہیر کیلئے استعمال کرتے ہیں۔ ان کی مقبولیت نے عالمی کمپنیوں کیلئے بھی انہیں انتہائی پرکشش بنا دیا ہے کیونکہ برانڈز کو صرف ایک پوسٹ نہیں بلکہ ایک وسیع عالمی صارفین تک رسائی حاصل ہوتی ہے۔ رونالڈو کا ’سی آر 7‘ برانڈ بھی کپڑوں، جوتوں، خوشبوؤں اور دیگر کاروباری شعبوں تک پھیل چکا ہے۔ فٹبال، اسپانسرشپس اور ذاتی کاروبار سے حاصل ہونے والی آمدنی کے علاوہ انسٹاگرام ان کی مالی سلطنت کا ایک اہم ذریعہ بن چکا ہے۔ مبینہ۳ء۳؍ملین یورو فی پوسٹ کی رقم اس بات کو نمایاں کرتی ہے کہ آج کے دور میں عالمی شہرت یافتہ ایتھلیٹس خود ایک طاقتور میڈیا پلیٹ فارم بن چکے ہیں۔