ہندوستانی ٹینس ٹیم اتوار کو پاکستان کے خلاف جیت کے ساتھ ڈیوس کپ ۲۰۲۴ء ورلڈ گروپ ون میں داخل ہو گئی۔ اتوار کو یہاں پاکستان اسپورٹس کمپلیکس میں ہندوستانی کھلاڑیوں نے دوسرے دن کا آغاز ۰۔ ۲؍ کی برتری کے ساتھ کیا۔

ہندوستانی ٹینس ٹیم اتوار کو پاکستان کے خلاف جیت کے ساتھ ڈیوس کپ ۲۰۲۴ء ورلڈ گروپ ون میں داخل ہو گئی۔ اتوار کو یہاں پاکستان اسپورٹس کمپلیکس میں ہندوستانی کھلاڑیوں نے دوسرے دن کا آغاز ۰۔ ۲؍ کی برتری کے ساتھ کیا۔ ۲؍ گھنٹے تک جاری رہنے والے ڈبلز میچ میں یوکی بھامبری اور ساکیت مینینی نے پاکستان کے عقیل خان اور مزمل مرتضیٰ کو ۲۔ ۶، ۶۔ ۷؍ سے شکست دی۔ یہ ۲۰۲۴ء ڈیوس کپ ورلڈ گروپ ون پلے آف مقابلے میں پاکستان کیخلاف ہندوستان کی لگاتار ۸؍ویں جیت ہے۔ 
ہندوستانی ڈبلز جوڑی نے پہلے سیٹ کے پہلے گیم میں ہی شاندار کھیل کا مظاہرہ کیا اور پاکستانی جوڑی کی سروس بریک کرتے ہوئے ۰۔ ۱؍ کی برتری حاصل کی۔ ۵؍ویں گیم میں مخالف ٹیم کی سروس بریک کرنے کے بعد ہندوستانی ٹینس کھلاڑیوں نے۱۔ ۴؍ کی برتری حاصل کی۔ ہندوستانی کھلاڑیوں نے پہلا سیٹ ۲۶؍ منٹ میں ۲۔ ۶؍ سے جیت لیا۔ دوسرے سیٹ میں پاکستانی کھلاڑیوں نے واپسی کی کوشش کی اور بہترین کوآرڈینیشن کے ساتھ اپنی سروس برقرار رکھی۔ دوسرے اور تیسرے میچ میں دونوں ٹیموں نے کوئی پوائنٹ گنوائے بغیر اپنی سروس برقرار رکھی۔ تاہم بھامبری اور مینینی نے مخالف ٹیم پر اپنا تسلط برقرار رکھا۔ ہندوستانی جوڑی کو صرف ایک پوائنٹ کا نقصان ہوا اور باقی ۵؍ پوائنٹس جیت کر میچ جیت کر ستمبر میں منعقد ہونے والے ڈیوس کپ ورلڈ گروپ ون میں داخل ہو گئے۔ قابل ذکر ہے کہ ڈیوس کپ ورلڈ گروپ ون پلے آف کے پہلے دن رام کمار رامناتھن نے اعصام الحق قریشی کو شکست دی تھی جبکہ شری رام بالاجی نے عقیل خان کو سیدھے سیٹوں میں ۵۔ ۷، ۳۔ ۶؍ سے شکست دی۔ دوسرے دن ہندوستان نے ڈبلز میچ جیت کر۰۔ ۳؍کی ناقابل تسخیر برتری حاصل کر لی۔