وائی آر ایف اسپائی یونیورس کی نئی فلم’’الفا‘‘ ، جس میں عالیہ بھٹ، شروری ، انل کپور، اور بوبی دیول شامل ہیں، ریلیز کے وقت سوشل میڈیا پر ملے جلے بلکہ زیادہ تر منفی ردعمل کے باوجود تھیٹرز میں اچھی خاصی ناظرین کی تعداد کھینچنے میں کامیاب رہی۔

وائی آر ایف اسپائی یونیورس کی نئی فلم’’الفا‘‘ ، جس میں عالیہ بھٹ، شروری ، انل کپور، اور بوبی دیول شامل ہیں، ریلیز کے وقت سوشل میڈیا پر ملے جلے بلکہ زیادہ تر منفی ردعمل کے باوجود تھیٹرز میں اچھی خاصی ناظرین کی تعداد کھینچنے میں کامیاب رہی۔شیو رویل  کی ہدایت کاری میں بننے والی اس فلم نے ریلیز کے گرد پھیلی شدید منفی مہم کے باوجود مضبوط آغاز کیا اور پہلے ویک اینڈ پر اچھا بزنس کرنے میں کامیاب رہی۔

یہ بھی پڑھئے:امیتابھ بچن نے بارش کے باوجود جلسہ کے باہر جمع ہونے والے مداحوں کا شکریہ ادا کیا

 الفا نے پہلے ویک اینڈ میں تقریباً ۶۰؍ کروڑ کے قریب بزنس کیا
فلم نے ہندوستان میں پہلے دن۲۵ء۹؍کروڑ روپے کمائے، دوسرے دن ۵۰ء۱۱؍  کروڑ روپے اور تیسرے دن۲۵ء۱۳؍ کروڑ روپے کا کاروبار کیا۔اس طرح فلم کا ہندوستان میں پہلے ویک اینڈ کا کل نیٹ کلیکشن ۳۴؍ کروڑ روپے (جبکہ گراس۸۰ء۴۰؍ کروڑ روپے) رہا۔  اوورسیز مارکیٹ میں فلم نے ۱۸؍ کروڑ روپے کمائے، جس کے بعد تین دنوں میں عالمی سطح پر کل کلیکشن  ۸۰ء۵۸؍کروڑ روپے تک پہنچ گیا۔
اب دیکھنا یہ ہے کہ فلم ویک ڈیز میں کیسا پرفارم کرتی ہے اور کیا یہ لائف ٹائم میں مضبوط کلیکشن حاصل کر پاتی ہے یا نہیں۔ فلم ’’وار ۲‘‘ کی بڑی ناکامی اور’’ٹائیگر ۳‘‘  کی کمزور کارکردگی کے بعد، اگر یہ فلم ۱۰۰؍ کروڑ روپے سے زیادہ کماتی ہے تو اسے کامیابی تصور کیا جائے گا۔ تاہم، فلم کا بجٹ کافی زیادہ ہے، اس لیے موجودہ رفتار کے حساب سے اس کا مکمل باکس آفس ہٹ ہونا مشکل نظر آتا ہے۔
فلم ’’بے بی ڈی ڈائی ڈو‘‘  ا باکس آفس اوپننگ ویک اینڈ
اس ہفتے کی ایک اور نئی ریلیز،ہما قریشی کی فلم ’’بے بی ڈو ڈائی ڈو ‘‘  و مثبت ریویوز ملے، لیکن یہ بات اس کی کمائی میں نظر نہیں آئی۔یہ کرائم تھرلر اپنے پہلے ویک اینڈ میں صرف ۸۱ء۱؍ کروڑ روپے ہی کما سکی۔
فلم ’’ویلکم ٹو دی جنگل ‘‘ کی مضبوط کارکردگی جاری
سنیل شیٹی، اکشے کمار اور ارشد وارثی کی فلم ’’ویلکم ٹو دی جنگل ‘‘ نے پہلے ہفتے میں ۹۳؍ کروڑ روپے کمائے اور دوسرے ویک اینڈ پر مزید۷۵ء۲۱؍ کروڑ روپے حاصل کیے۔ فلم کا ۱۰؍ دنوں کا مجموعی کلیکشن اب ۹۰ء۱۱۴؍ کروڑ روپے ہے، جبکہ عالمی سطح پر اس نے ۷۵ء۱۶۶؍ کروڑ روپے کما لیے ہیں۔

یہ بھی پڑھئے:امریکہ اور بلجیم کے درمیان ہائی وولٹیج ٹکراؤ،۱۲؍ سالہ پرانے بدلے کا مشن

’’میں واپس آؤں گا‘‘ کا  ایک اور مضبوط ویک اینڈ
امتیاز علی  کی ہدایت کاری میں بننے والی فلم ’’میں واپس آؤں گا‘‘جس میں دلجیت دوسانجھ، شروری، ویدانگ رائنا اور نصیرالدین شاہ شامل ہیں، نے مختلف نئی ریلیزز کے باوجود اپنے چوتھے ویک اینڈ میں ۲۵ء۵؍ کروڑ روپے کمائے۔اس کا چوتھے ویک اینڈ کا کاروبار تقریباً پہلے ویک اینڈ جیسا ہی رہا اور اب ۲۴؍ دنوں کا مجموعی کلیکشن ۵۰ء۵۷؍ کروڑ روپے تک پہنچ گیا ہے۔عالمی سطح پر فلم نے ۲۴ء۸۷؍ کروڑ روپے کما لیے ہیں اور توقع ہے کہ یہ اپنی تھیٹر رن تقریباً ۱۱۰؍ کروڑ روپے کے عالمی کلیکشن پر ختم کرے گی۔