آدتیہ دھر کی فلم ’’دُھرندھر: دی رِیوینج‘‘، جس میں رنویر سنگھ مرکزی کردار میں ہیں، باکس آفس پر غیر معمولی کامیابی حاصل کر رہی ہے اور ۱۹؍ مارچ کی ریلیز کے ہفتوں بعد بھی مضبوط تھیٹرل کامیابی جاری رکھے ہوئے ہے۔

آدتیہ دھر کی فلم ’’دُھرندھر: دی رِیوینج‘‘، جس میں رنویر سنگھ مرکزی کردار میں ہیں، باکس آفس پر غیر معمولی کامیابی حاصل کر رہی ہے اور ۱۹؍ مارچ کی ریلیز کے ہفتوں بعد بھی مضبوط تھیٹرل کامیابی جاری رکھے ہوئے ہے۔یہ ہائی  ایکشن ڈرامہ شمالی امریکہ کی مارکیٹ میں ۹؍ سال پرانے ریکارڈ کو توڑ کر ایک اہم سنگِ میل حاصل کر چکا ہے، جو پہلے ’’باہوبلی ۲: دی کنکلوژن‘‘ کے نام تھا، جس میں پربھاس نے مرکزی کردار ادا کیا تھا اور ایس  ایس  راجامولی نے اسے ڈائریکٹ کیا تھا۔
’’باہوبلی ۲‘‘ کی ٹیم نے ایک شائستہ اقدام کے طور پر اس کامیابی کو تسلیم کیا اور دھر اور ان کی پوری ٹیم کو مبارکباد دی، فلم کی متاثر کن باکس آفس کارکردگی کی تعریف کی۔ ’’باہوبلی ۲:  دی کنکلوژن‘‘ کئی برسوں تک شمالی امریکہ میں سب سے زیادہ کمائی کرنے والی ہندوستانیفلم کا ریکارڈ رکھتی رہی، جس نے باکس آفس پر ۲۰؍ ملین ڈالر سے زیادہ کمائے تھے۔ یہ طویل عرصے سے قائم معیار اب آدتیہ دھر کی ہائی انرجی جاسوسی تھرلر ’’دُھرندھر۲‘‘  نے توڑ دیا ہے۔
 باکس آفس موجو کے مطابق  سیکوئل نے اب تک شمالی امریکہ میں ۲۲؍ ملین ڈالر کا ہندسہ عبور کر لیا ہے، ایک نیا ریکارڈ قائم کیا ہے اور اوورسیز میں اپنے بلاک بسٹر درجے کو مزید مضبوط کیا ہے۔  ٹیم باہوبلی  نے ایکس پر لکھا :’’مبارک ہوآدتیہ دھر فلمز اور  پوری ٹیم #Dhurandhar2TheRevenge کو کہ انہوں نےباہو بلی ۲؍ کے۹؍ سالہ ریکارڈ توڑے اور ہندوستان، امریکہ اور دنیا بھر میں نئے باکس آفس معیار قائم کیے!

یہ بھی پڑھئے:گرین کے گیند بازی نہ کرنے پر کرکٹ آسٹریلیا سے پوچھیے : رہانے

 باہوبلی کے بارے میں
باہوبلی: دی بگننگ اور اس کا سیکوئل پربھاس، رانا دگوبتی، انوشکا شیٹی اور تمنا بھاٹیہ کے ساتھ، ایس  ایس  راجامولی کے زیرِ ہدایت پیش کیا گیاتھا۔ یہ  بادشاہوں  کی داستان ایک کھوئے ہوئے شہزادے کی کہانی بیان کرتی ہے جو ایک ظالم سے اپنی سلطنت واپس حاصل کرتا ہے۔ فلم کا شاندار دائرہ، بصری اثرات اور عالمی سطح کی کہانی نے اسے ایک عالمی مظہر اور ہندوستانی کی سب سے بڑی سینمایئی کامیابیوں میں سے ایک بنا دیا۔

یہ بھی پڑھئے:امریکہ-ایران بحران کی وجہ سے شاہ رخ کی ’’کنگ‘‘ کی دبئی کی شوٹنگ منسوخ

دُھرندھر: دی رِیوینج کے بارے میں
 آدتیہ دھر کے زیرِ ہدایت، دُھرندھر: دی رِیوینج میں رنویر سنگھ مرکزی کردار میں ہیں۔ فلم میں دکھایا گیا ہے کہ کس طرح ہندوستانی جاسوس جسکیرت سنگھ رَنگی حمزہ علی مازاری میں تبدیل ہوتا ہے۔ کہانی پاکستان میں اس کے ڈیپ کَوَر مشن کے گرد گھومتی ہے، جہاں وہ لیاری کے سیاسی اور انڈرورلڈ ماحول میں اپنے آپ کو مستحکم کرتا ہے اور ایک خطرناک دہشت گرد نیٹ ورک کو ختم کرنے کے لیے کام کرتا ہے۔