دنیا کی نمبر ایک کھلاڑی آرینا سبالینکا، سربیا کے ٹینس کھلاڑی نوواک جوکووچ اور ہسپانوی تجربہ کار کارلوس الکاراز نے اپنے اپنے میچ جیت کر یو ایس اوپن کے کوارٹر فائنل میں جگہ بنا لی ہے۔

لوئس آرمسٹرانگ اسٹیڈیم میں ہونے والے سنگلز میچ میں سبالینکا نے اسپین کی کرسٹینا بوکسا کو۱۔۶، ۴۔۶؍ سے ہرا کر کوارٹر فائنل میں رسائی کی۔ دفاعی  چمپئن  سبالینکا کا مقابلہ اگلے راؤنڈ میں قزاخستان کی ایلینا ریباکینا اور چیک جمہوریہ کی مارکیٹا ونڈروسووا کے درمیان ہونے والے میچ کی فاتح سے ہوگا۔ نوواک جوکووچ نے اتوار کی شب آرتھر ایشے اسٹیڈیم میں جرمنی کے جان لینارڈ  اسٹرف کو شکست دے کر نیا ریکارڈ قائم کیا، وہ ایک ہی سیزن میں چاروں گرینڈ سلیم کے کوارٹر فائنل تک پہنچنے والے دنیا کے معمر کھلاڑی بن گئے ہیں۔وہیں الکاراز نے۱۳؍ گرینڈ سلیم کوارٹر فائنل میں پہنچنے والے سب سے کم عمر کھلاڑی بننے کا  اعزاز حاصل کیا۔۳۸؍ سالہ سربین کھلاڑی نے ایک گھنٹہ۴۹؍ منٹ تک جاری رہنے والے میچ میں شاندار کارکردگی کا مظاہرہ کرتے ہوئے جرمن کوالیفائر جان لینارڈ اسٹروف کو۳۔۶، ۳۔۶، ۲۔۶؍سے شکست دے کر اپنے کریئر کے۱۴؍ ویں یو ایس اوپن کے کوارٹر فائنل میں  داخلہ  حاصل کیا۔ جوکووچ کا اگلا مقابلہ امریکی نمبر ۴؍سیڈیڈ ٹیلر فرٹز سے ہوگا جنہوں نے اس سے قبل  چیک جمہوریہ کے ٹامس ماچک کو  سیدھے سیٹوں میں شکست دی تھی۔

Another lob from Novak!

It`s all going his way right now in Ashe. pic.twitter.com/F28S9nRbNJ

— US Open Tennis (@usopen) September 1, 2025

میچ کے بعد کے انٹرویو میں جوکووچ نے کہا کہ ’’اگر آپ اچھی سروس کرتے ہیں تو یہ یقیناً طور پر مدد کرتا ہے۔ مجھے لگتا ہے کہ میری سروس آخری راؤنڈ میں اور آج بھی بہت اچھی تھی۔ شاید مجھے اتنی محنت کرنے کی ضرورت نہیں ہے۔ اپنے  کریئر  کے بیشتر حصے میں میں بیس لائن سے دوڑتا رہا، سلائیڈنگ کرتا رہا ہوں اور گھسیٹتا رہا ہوں۔ لیکن جب صحیح وقت آتا ہے تو میں جارح ہونے کی کوشش بھی کرتا ہوں۔ اس جیت کے ساتھ جوکووچ نے راجر فیڈرر اور آندرے اگاسی کو بھی پیچھے چھوڑ دیا، یہ دونوں ۱۳۔۱۳؍  بار یو ایس اوپن کے کوارٹر فائنل میں پہنچے اور اب وہ ۱۴۔۱۴؍ کے ساتھ اکیلے کھڑے ہیں۔ اب وہ اوپن ایرا ریکارڈ بک میں صرف جان کونرز سے پیچھے ہیں، جو۱۷؍ کوارٹر فائنل میں پہنچ چکے ہیں۔

Get ready for a dramatic ending to this thriller 🍿 pic.twitter.com/qkobtFz3Ai

— US Open Tennis (@usopen) September 1, 2025

ایک اور میچ میں اسپین کے کارلوس الکاراز نے ایک بار پھر فرانس کے آرتھر رینڈرکنچ کوسیدھے سیٹوں میں شکست دے کر۲۰۲۵ء یو ایس اوپن کے کوارٹر فائنل میں جگہ بنالی۔ سیکنڈ سیڈیافتہ الکاراز نے رینڈرکنچ کو۶۔۷، ۳۔۶، ۴۔۶؍سے ہرا کر اوپن ایرا میں۱۳؍گرینڈ سلیم کوارٹر فائنل تک پہنچنے والے سب سے کم عمر کھلاڑی بن گئے۔
الکاراز نے۲۰۲۲ء میں نیویارک میں۱۹؍ سال کی عمر میں یو ایس اوپن جیت کر سب سے کم عمر عالمی نمبر ایک بننے کی تاریخ رقم کی، آخری ۸؍ میں چیک جمہوریہ  کے ۲۰؍ ویں سیڈ جیری لہیکا کا مقابلہ کریں گے۔ لہیکا نے فرانس کے ایڈرین مینارینو کو۶۔۷، ۴۔۶، ۶۔۲، ۲۔۶؍ سے ہرا کر کوارٹر فائنل تک رسائی کی۔