برازیل اور ریئل میڈریڈ کےونیشیئس جونیئر نے فیفا ایواڈز۲۰۲۴ء کے بہترین فٹبالر کا ایوارڈ اپنے نام کرلیا۔ اس کے علاوہ اسپین کی آئٹانا بونماتی نے خواتین کے بہترین پلیئر کا اعزاز اپنے نام کیا۔

برازیل اور ریئل میڈریڈ کےونیشیئس جونیئر نے سال۲۰۲۴ء کے بہترین فٹبالر کا ایوارڈ اپنے نام کرلیا۔ دوحا میں ہونے والے فیفا ایوارڈز کی تقریب میں اسپین کی آئٹانا بونماتی نے خواتین کے بہترین پلیئر کا اعزاز اپنے نام کیا۔ ۲۰۲۴ءکے بہترین فٹ بالر اور فٹ بال کے بہترین لمحات کا انتخاب دنیا بھر کی ٹیموں کے کپتانوں، کوچز، صحافیوں اورمداحوں نے ووٹنگ کے ذریعے کیا۔ ایوارڈز کی تقریب دوحا میں ہوئی، ارجنٹائن اور مانچسٹر یونائیٹڈ کے الہینڈرو گرناچو نے بہترین گول کا پسکاس ایوارڈ جیتا۔ گرناچو کا انگلش پریمیئر لیگ میں نومبر۲۰۲۳ء میں ایورٹن کے خلاف گول پر یہ ایوارڈ دیا گیا۔ امریکہ کی ایلیزا نائیہر کو سال کی بہترین ویمن گول کیپر کا ایوارڈ ملا جبکہ اسپین کی آئٹانا بونماتی کو سال کی بہترین ویمن فٹبالر کا ایوارڈ دیا گیا۔ برازیل کی مارٹا نے اپنے ہی نام سے منسوب خواتین کے بہترین گول کا مارٹا ایوارڈ جیتا۔ 

یہ بھی پڑھئے: سینئر ہندوستانی گیندباز آر اشون کا بین الاقوامی کرکٹ سے ریٹائرمنٹ کا اعلان

فیفا نے اس سال ویمن فٹبال کے بہترین گول کیلئے مارٹا ایوارڈ متعارف کرایا تھا، مارٹا کو جمیکا کے خلاف اسکور کئے گئے گول پر یہ ایوارڈ ملا۔ ارجنٹائن کے ایمیلیانو مارٹینیز سال کے بہترین مین گول کیپر قرار پائے جبکہ برازیل کے تھیاگو مائییا کو فیئر پلے ایوارڈ دیا گیا۔ فیفا ایوارڈز۲۰۲۴ء سال کے بہترین مین فٹبالر کا ایوارڈ برازیل کےونیشیئس جونیئر کے نام رہا۔