فیفا نے ۲۰۲۶ء فٹبال ورلڈ کپ کے لیے ایک بڑا مالی فیصلہ کرتے ہوئے اعلان کیا ہے کہ ٹورنامنٹ میں شریک تمام ٹیموں کے لیے انعامی رقم اور فیس میں مزید اضافہ کیا جائے گا۔ فیفا اس وقت رکن ممالک کے ساتھ مشاورت میں ہے تاکہ ۴۸؍ ٹیموں پر مشتمل آئندہ ورلڈ کپ کے لیے مالی پیکج کو مزید بہتر بنایا جا سکے۔

فیفا نے ۲۰۲۶ء فٹبال ورلڈ کپ کے لیے ایک بڑا مالی فیصلہ کرتے ہوئے اعلان کیا ہے کہ ٹورنامنٹ میں شریک تمام ٹیموں کے لیے انعامی رقم اور فیس میں مزید اضافہ کیا جائے گا۔ فیفا اس وقت رکن ممالک کے ساتھ مشاورت میں ہے تاکہ ۴۸؍ ٹیموں پر مشتمل آئندہ ورلڈ کپ کے لیے مالی پیکج کو مزید بہتر بنایا جا سکے۔ 
کئی ممالک نے ٹورنامنٹ میں شرکت کے بڑھتے اخراجات، خاص طور پر امریکہ میں ٹیکس اور انتظامی اخراجات، پر تشویش ظاہر کی تھی جس کے بعد فیفا نے انعامی رقم بڑھانے پر آمادگی ظاہر کی۔ 

یہ بھی پڑھئے:انوراگ کشیپ کی ’’بندر‘‘ ۵؍ جون کو عالمی سطح پر ریلیز ہوگی

فیفا اس سے قبل بھی ۲۰۲۶ء ورلڈ کپ کے لیے ریکارڈ انعامی رقم کا اعلان کر چکا ہے، جس میں مجموعی طور پر تقریباً ۶۵۵؍ سے ۷۲۷؍ ملین ڈالر تک کی رقم شامل ہے، جبکہ ہر ٹیم کو کم از کم ۵ء۱۰؍ ملین ڈالر ملنے کی ضمانت دی گئی تھی۔ ذرائع کے مطابق نئے مجوزہ اضافے کا مقصد یہ یقینی بنانا ہے کہ کوئی بھی ٹیم ورلڈ کپ میں شرکت کے باعث مالی نقصان کا شکار نہ ہو، بلکہ تمام ٹیموں کو بہتر مالی معاونت فراہم کی جائے۔ 

یہ بھی پڑھئے:کورٹ کے بعد اب کونسل میں حکمرانی: سندھو کا بی ڈبلیو ایف میں نئی اننگز کا آغاز

فیفا کونسل اس حوالے سے حتمی منظوری آئندہ اجلاس میں دے گی، جس کے بعد انعامی رقم اور ٹیموں کو دی جانے والی فیس کی نئی تفصیلات سامنے آئیں گی۔ واضح رہے کہ ۲۰۲۶ء فٹبال ورلڈ کپ امریکہ، کنیڈا اور میکسیکو میں منعقد ہوگا اور تاریخ میں پہلی بار ۴۸؍ ٹیمیں اس میگا ایونٹ میں شرکت کریں گی جس سے ٹورنامنٹ کا حجم اور مالی دائرہ کار دونوں نمایاں طور پر بڑھ جائیں گے۔