کولمبیا کی اس جیت میں ڈینیل مونوز، جامنٹن کیمپاز اور لوئس ڈیاز نے ایک ایک گول کیا۔ اس کے ساتھ ہی گروپ کے میں ۳؍ پوائنٹس کے ساتھ کولمبیا سرِفہرست پہنچ گیا ہے۔

کولمبیا نے سخت مقابلے کے بعد ازبکستان کو ۱۔۳؍گول سے شکست دے کر فیفا ورلڈ کپ ۲۰۲۶ء میں اپنی مہم کا فاتحانہ آغاز کیا۔ کولمبیا کی اس جیت میں ڈینیل مونوز، جامنٹن کیمپاز اور لوئس ڈیاز نے ایک ایک گول کیا۔ اس کے ساتھ ہی گروپ کے میں ۳؍ پوائنٹس کے ساتھ کولمبیا سرِفہرست پہنچ گیا ہے۔

¡𝗧𝗲𝗿𝗺𝗶𝗻𝗮 𝗻𝘂𝗲𝘀𝘁𝗿𝗼 𝗱𝗲𝗯𝘂𝘁, 𝗖𝗢𝗟𝗢𝗠𝗕𝗜𝗔! 😍🤩

𝗩𝗶𝗰𝘁𝗼𝗿𝗶𝗮 𝗰𝗼𝗻 𝗢𝗥𝗚𝗨𝗟𝗟𝗢 𝗖𝗢𝗟𝗢𝗠𝗕𝗜𝗔𝗡𝗢 𝗲𝗻 𝗲𝗹 𝗘𝘀𝘁𝗮𝗱𝗶𝗼 𝗔𝘇𝘁𝗲𝗰𝗮 😎

🇨🇴 3-1 🇺🇿
⚽️ Daniel Muñoz, Luis Díaz, Jaminton Campaz #ConOrgulloColombiano🇨🇴 pic.twitter.com/Do0bq9Ii5x

— Selección Colombia (@FCFSeleccionCol) June 18, 2026

میچ کے آغاز سے ہی کولمبیا نے مسلسل دباؤ برقرار رکھا اور گول کرنے کی کئی کوششیں کیں۔ میچ کے ۴۰؍ ویں منٹ میں لوئس ڈیاز کے پاس پر ڈینیل مونوز نے گول کر کے اپنی ٹیم کو برتری دلائی۔ یہ ان کا فیفا ورلڈ کپ میں پہلا اور بین الاقوامی کریئر کا مجموعی طور پر چوتھا گول تھا۔ میچ کے ۴۵؍ ویں منٹ میں ٹیم کے اسٹار مڈفیلڈر جیمز روڈریگز نے طویل دوری سے کوشش کی، جسے حریف گول کیپر نے اپنے محفوظ دستانوں سے روک لیا۔ ازبکستان کی جانب سے ۶۰؍ ویں منٹ میں عبوس بیک فیض اللہ ایف نے گول کر کے اسکور۱۔۱؍گول کر دیا۔ ازبکستان کے کپتان ایلڈور شومورودوف نے گول کرنے کی کوشش کی، جسے کیمیلو ورگاس نے بچایا، لیکن اس کوشش میں گیند فیض اللہ ایف کو مل گئی، جسے انہوں نے ہیڈر کے ذریعے گول میں بدل دیا۔
چند منٹ بعد ہی ۶۵؍ ویں منٹ پر لوئس ڈیاز نے گول کرتے ہوئے دوبارہ اپنی ٹیم کو برتری دلا دی۔ میچ کے آخری لمحات سے کچھ دیر پہلے کیمپاز نے گول کر کے اپنی ٹیم کی جیت پکی کر دی۔

یہ بھی پڑھئے:ہیری کین نے ۶۰؍ سال پرانا فیفا ورلڈ کپ کا ریکارڈ توڑ دیا

فیفا ورلڈ کپ: گھانا نے پناما کو ایک صفر سے شکست دی
 فیفا ورلڈ کپ ۲۰۲۶ء میں گروپ مرحلے کے ایک مقابلے میں گھانا کی فٹ بال ٹیم نے شاندار کارکردگی کا مظاہرہ کرتے ہوئے پناما کے خلاف سنسنی خیز فتح درج کی۔ بدھ کی رات کھیلے جانےوالے میچ کے دوسرے ہاف کے اسٹاپج ٹائم کے پانچویں منٹ میں کالیب یرینکی نے برینڈن تھامس اسانٹے کے کراس پر گول کر کے گھانا کو ورلڈ کپ میں فاتحانہ آغاز دلایا۔ میچ میں دونوں ہی ٹیموں کو گول کرنے کے بہت کم مواقع ملے۔ آخر میں تھامس اسانٹے بائیں جانب سے آگے بڑھے اور گول کے سامنے سے گیند کو کراس کیا جس پر یرینکی نے گول کر دیا، جس کے بعد ان کے ساتھی کھلاڑی خوشی سے میدان میں دوڑ پڑے۔

یہ بھی پڑھئے:’’دِرِیشیم۳‘‘: مداحوں کے لیے بری خبر! مدراس ہائی کورٹ میں فلم کے خلاف درخواست دائر

گھانا نے یہ میچ مڈفیلڈر تھامس پارٹی کے بغیر کھیلا جنہیں انگلینڈ میں جاری مقدمے کی وجہ سے کنیڈا میں داخلے کی اجازت نہیں ملی۔ آخری لمحات میں ہوئے اس گول کی وجہ سے پناما ورلڈ کپ میں اپنا پہلا پوائنٹ حاصل کرنے سے محروم رہ گیا۔پہلا ہاف دونوں ٹیموں کے درمیان سخت مقابلے کے باوجود گول کے بغیر ختم ہوا۔ کچھ زوردار ٹکروں کے بعد گول کیپر ہاف ٹائم پر کھیل سے باہر ہو گئے۔ ان کی جگہ بینجمن اسارے نے سنبھالی۔ اس نتیجے کے ساتھ گھانا گروپ ایل میں انگلینڈ کے ساتھ سرِفہرست ہے جس نے دن میں پہلے کروشیا کو ۲۔۴؍گول سے شکست دی تھی۔