گمبھیر نے تسلیم کیا کہ پچھلے۱۸؍ مہینوں میں ان سے کچھ غلطیاں ہوئی ہیں، لیکن ان کا ارادہ ہمیشہ درست رہا۔ ایک انسان ہونے کے ناطے غلطیاں ہونا فطری بات ہے اور وہ اس سے پیچھے نہیں ہٹتے۔

ہندوستانی ٹیم کے ہیڈ کوچ گوتم گمبھیر نے سینئر کھلاڑیوں روہت شرما اور وراٹ کوہلی کے ساتھ اپنے تعلقات کے بارے میں بڑا بیان دیا ہے۔ گمبھیر نے تسلیم کیا کہ پچھلے۱۸؍ مہینوں میں ان سے کچھ غلطیاں ہوئی ہیں، لیکن ان کا ارادہ ہمیشہ درست رہا۔ انہوں نے کہا کہ ایک انسان ہونے کے ناطے غلطیاں ہونا فطری بات ہے اور وہ اس سے پیچھے نہیں ہٹتے۔
درست نیت سے کیے گئے غلط فیصلے قابل قبول ہیں
گوتم گمبھیر نے کہا کہ ڈریسنگ روم میں صحیح نیت سب سے زیادہ اہم ہوتی ہے۔ انہوں نے واضح کیا کہ اگر غلط فیصلے صحیح نیت سے کیے جائیں تو انہیں قبول کیا جا سکتا ہے، لیکن غلط نیت سے کیے گئے فیصلے بالکل برداشت نہیں کیے جائیں گے۔گمبھیر نے یہ بھی کہا کہ جب تک وہ کھلاڑیوں سے  دیانتداری کے ساتھ بات کر پا رہے ہیں، تب تک وہ اپنے کام کو درست سمجھتے ہیں۔
روہت کوہلی کے ساتھ تعلقات پر اٹھے تھے سوال
میڈیا میں کافی عرصے سے یہ بحث چل رہی تھی کہ گمبھیر اور سینئر کھلاڑیوں کے درمیان سب کچھ ٹھیک نہیں ہے۔ تاہم، گمبھیر نے براہِ راست ان باتوں کو مسترد نہیں کیا، لیکن یہ ضرور مانا کہ تعلقات کو بہتر طریقے سے سنبھالا جا سکتا تھا۔ ان کا یہ بیان ان قیاس آرائیوں کو مزید تقویت دے سکتا ہے۔
خراب کارکردگی کے بعد بڑا فیصلہ
روہت شرما اور وراٹ  کوہلی نے ۲۶۔۲۰۲۵ء کی بارڈر- گاوسکر ٹرافی میں خراب کارکردگی کے بعد ٹیسٹ کرکٹ سے ریٹائرمنٹ لے لیا۔ روہت نے۷؍ مئی اور کوہلی نے ۱۲؍مئی کو اپنے ریٹائرمنٹ کا اعلان کیا تھا۔ اس فیصلے کے بعد ہندوستانی ٹیسٹ ٹیم میں بڑے تبدیلیاں دیکھنے کو ملیں۔

یہ بھی پڑھئے:بحرین اور سعودی عرب گرینڈ پرکس کی منسوخی سے فارمولا ون کو کتنا نقصان ہوگا؟

ٹیم انڈیا میں تبدیلی کا دور
دونوں بڑے کھلاڑیوں کے ریٹائرمنٹ کے بعد ٹیم انڈیا نے نئے کھلاڑیوں کے ساتھ نئی شروعات کی۔ شبھ من گل کی کپتانی میں ٹیم نے انگلینڈ میں ڈرا کھیلا، ویسٹ انڈیز کو شکست دی، لیکن جنوبی افریقہ کے خلاف سیریز ہار گئی۔ اس دور کوہندوستانی کرکٹ کے ٹرانزیشن فیز کے طور پر دیکھا جا رہا ہے۔

یہ بھی پڑھئے:مجتبیٰ خامنہ ای علاج کے لئے ماسکو میں ہیں: کویتی اخبار الجریدہ کا دعویٰ

۲۰۲۷ء ورلڈ کپ پر نظر
اگرچہ روہت اور کوہلی ٹیسٹ اور ٹی۲۰؍ سے ریٹائرڈ ہو چکے ہیں، لیکن دونوں کی نظر اب بھی ۲۰۲۷ء ون ڈے ورلڈ کپ پر ہے۔ انہوں نے حال ہی میں جنوبی افریقہ کے خلاف ون ڈے سیریز میں ہندوستانی کی نمائندگی کی تھی۔ تاہم، سلیکٹرز اور کوچنگ اسٹاف نے واضح کر دیا ہے کہ ٹیم میں جگہ صرف کارکردگی کی بنیاد پر ہی ملے گی۔ گوتم گمبھیر کا یہ بیان ہندوستانی کرکٹ میں جاری تبدیلیوں اور چیلنجز کو ظاہر کرتا ہے۔ روہت اور کوہلی جیسے بڑے کھلاڑیوں کے بعد ٹیم ایک نئی سمت میں آگے بڑھ رہی ہے، جہاں تجربہ اور نوجوان کھلاڑیوں کے درمیان توازن قائم کرنا سب سے بڑا چیلنج ہے۔