ہندوستانی خواتین ٹیم نے میزبان ٹیم کے خلاف تیسرے اور فیصلہ کن یکروزہ میچ میں ۳۱۸؍رن بنائے۔

ہندوستان کی خواتین کرکٹ ٹیم نے انگلینڈ کے خلاف کھیلی جا رہی ۳؍میچوں کی یکروزہ سیریز کے تیسرے اور فیصلہ کن میچ میں شاندار بلے بازی کا مظاہرہ کیا۔ہندوستان نے ٹاس جیتنے کے بعد بلے بازی کا فیصلہ کیا جو درست ثابت ہوا۔ہندوستان نے ۵؍وکٹوں کے نقصان پر ۳۱۸؍رنوں کا پہاڑ کھڑا کردیا۔
 ہندوستان کیلئے سب سے زیادہ ۱۰۲؍رن کپتان ہرمن پریت کور نے بنائے ۔انہوںنے ۸۴؍گیندوں کا سامنا کرتے ہوئے اپنی اننگز کے دوران ۱۴؍چوکے مارے۔کپتان ہرمن پریت کے علاوہ افتتاحی بلے بازاسمرتی مندھانا اور ہرلن دیول نے ۴۵۔۴۵؍ رن بنائے۔ان کے علاوہ جمیما راڈریگس نے بھی شاندار بلے بازی کا مظاہرہ کرتے ہوئے ہاف سنچری مکمل کی۔انہوںنے اپنی۴۵؍ گیندوں کی جارحانہ اننگز کے دوران ۷؍چوکے لگائے اور ۵۰؍رن بناکر آؤٹ ہوئیں۔مندھانا نے ۵؍جبکہ دیول نے ۴؍چوکے اپنی اننگز کے دوران لگائے۔پرتیکا راول نے ۲۶؍رن بنائے تھے۔رچا گھوش ۳۸؍جبکہ رادھا یادو۲؍رن بناکر ناٹ آؤٹ رہیں۔انگلینڈ  کے سامنے میچ جیتنے کیلئے ۳۱۹؍رن بنانے کا چیلنج ہے۔